भारत र चीनसँग सीमा जाेडिएका ११४ ठाउँमा 'बीओपी' स्थापना गर्ने सरकारकाे निर्णय

पुष ३, २०७६ बिहीबार १७:३४:३३ | उज्यालो सहकर्मी

काठमाण्डौ – सरकारले सीमा क्षेत्रमा थप सशस्त्र प्रहरी बल तैनाथ गर्ने भएको छ ।

मन्त्रिपरिषद् बैठकले भारत र चीनसँग सीमा जोडिएका १ सय १४ ठाउँमा बोर्डर आउट पोस्ट (बीओपी) स्थापना गरी सशस्त्र प्रहरी राख्ने निर्णय गरेको छ ।

बिहीबार सरकारका प्रवक्ता एवं सूचना तथा सञ्चारमन्त्री गोकुल बाँस्कोटाले मन्त्रिपरिषद्ले गरेको निर्णय सार्वजनिक गर्दै बीओपी स्थापनापछि सीमा क्षेत्रमा देखिने विवाद कम हुने विश्वास व्यक्त गर्नुभयो ।

नेपाल भारत र नेपाल चीन तर्फका सीमा क्षेत्रमा सशस्त्र प्रहरीको पोष्ट थप गर्न लागिएको उहाँले जानकारी दिनुभयो । यसअघि सीमा क्षेत्रमा सशस्त्र प्रहरीका १ सय ७ वटा बीओपी थिए ।

यस्तै सरकारले दार्चुलाको दुर्गम गाउँ छाङरुमा घोडेटो बाटो बनाउने निर्णय पनि गरेको छ । भारतसँग सीमा विवाद भएको यो ठाउँमा सशस्त्र प्रहरीको बीओपी स्थापना गर्ने बाटो पनि निर्माण गर्ने निर्णय भएको उहाँले बताउनुभयो ।

सरकारले संघीय मामिला मन्त्रालयमार्फत व्यास गाउँपालिकाको वडा नम्बर १ छाङरुबाट वडा नम्बर २ दुम्लिङसम्मको घोडेटो बाटो बनाउने निर्णय गरेको जानकारी दिनुभयो ।

यो बाटो नबन्दा नेपालीहरु आफ्नै भूभाग पुग्न पनि भारतीय बाटो प्रयोग गरेर जानु पर्ने बाध्यता छ ।

छाङरु विवादित क्षेत्र लिपुलेकसँग जोडिएको छ । नेपालको आफ्नै भूभाग भए पनि भारतले केही समयअघि सार्वजनिक गरेको राजनीतिक नक्सामा लिपुलेकसहित कालापानी र लिम्पियाधुरालाई आफ्नो भन्दै राखेको छ ।

यो क्षेत्रमा सशस्त्र प्रहरीको बीओपी स्थापनापछि सीमा विवाद कम गर्न सकिने विश्वास सरकारको छ ।

यस्तै सरकारले सुदूर पश्चिम प्रदेशको मन्त्रिपरिषद् कार्यालयका प्रमुख सचिव नारायणप्रसाद बिडारीलाई प्रधानमन्त्री तथा मन्त्रिपरिषद्को कार्यालयमा सरुवा गरिएको छ ।

प्रधानमन्त्री कार्यालयका सचिव बालकृष्ण घिमिरेलाई भने सुदूर पश्चिम प्रदेशको मुख्यमन्त्री तथा मन्त्रिपरिषद् कार्यालयमा पठाउने निर्णय गरेको छ ।

सम्बन्धित समाचार

नियतै गलत भएपछि सीमा क्षेत्रमा कसरी हुन्छ बीओपी स्थापना ?

नेपाल-भारत-चीन सीमा क्षेत्रमा सशस्त्र प्रहरीकाे सुरक्षा पाेस्ट राख्न आनाकानी !

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्