नेपाली भाषा र गाउँ नै बिर्सिसकेका सोमकुमारको परिवार भेटियो

पुष ३, २०७६ बिहीबार १८:१९:११ | उज्यालो सहकर्मी

काठमाण्डौ – मलेसियाको घरफिर्ती केन्द्रमा भेटिएका सोमकुमार तामाङको परिवार भेटिएको छ ।

नेपाली भाषा पनि नबुझ्ने, बोल्न नजान्ने, आमाबुवाको नाम पनि बिर्सिएका सोमकुमारलाई वैदेशिक रोजगार विभागका महानिर्देशक भीष्मकुमार भूसालको टोलीले मलेसिया भ्रमणमा रहेका बेला त्यहाँको लेङगेन इमिग्रेशन डेटिन्सन सेन्टरमा भेटेको हो ।

सम्बन्धित समाचार

मलेसियाकाे घरफिर्ती केन्द्रमा नेपाली सोमकुमार : नेपाली बुझ्दैनन्, बुवाआमा र गाउँ पनि चिन्दैनन्

अवैधानिक हैसियतमा मलेसियामा काम गर्ने क्रममा पक्राउ परेका सोमकुमारले आफ्नो घर उदयपुर बताएको तर परिवारबारे थाहा नभएको भन्दै भन्दै महानिर्देशक भूसालले उहाँको बारेमा सामाजिक सञ्जालमा लेख्नुभएको थियो ।

त्यसकै आधारमा विभिन्न सञ्चारमाध्यममार्फत सोमकुमारको बारेमा खबर प्रकाशित भएपछि सोमकुमारका भाइ राजकुमार तामाङ बिहीबार विभागको कार्यालय आएको महानिर्देशक भूसालले जानकारी दिनुभयो ।

राजकुमारकाअनुसार सोमकुमारको घर उदयपुरको कटारी नगरपालिका १३ हो । उहाँ काठमाण्डौमा झण्डै ६ महिना भौंतारिएपछि मलेसिया उड्नुभएको थियो । उहाँले मलेसिया जाँदा लागेको ऋण तिरेको र त्यसबाहेक ६० हजार रुपैयाँ जति खर्च पनि पठाएको राजकुमारले विभागमा बताएका छन् ।

त्यसपछि सोमकुमार बिस्तारै सम्पर्कविहीन भएको र विदेशी केटी बिहे गरेर बसेको भन्ने खबर घरमा आएको थियो ।

महानिर्देशक भूसालले भन्नुभयो, ‘सञ्चारमाध्यममा खबर देखेपछि भाइ पोखरबाट आएका रहेछन्, उनले सोमकुमारको अरु फोटोका साथै छोरी र श्रीमतीको पनि फोटो देखाएपछि सोमकुमार उनकै आफन्त हुन भन्नेमा शंका रहेन ।’

भाइ राजकुमारलाई सोमकुमारको पासपोर्ट वा नागरिकताको प्रतिलिपि खोजेर पठाउन भनिएको र कागजात प्राप्त भएपछि मलेसिय स्थित नेपाली दूतावासमा पठाएर उद्धारको प्रक्रिया थाल्ने पनि उहाँले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्