बझाङमा भालुकाे आतङ्क, सशस्त्र प्रहरीकाे टाेली परिचालन

पुष ७, २०७६ सोमबार १७:५८:४६ | डीबी बिष्ट

बझाङ – जयपृथ्वी नगरपालिकाका गाँउमा भालुले आतङ्क मच्चाएको छ । भालुको आक्रमणबाट जयपृथ्वी नगरपालिका ७ खगेडाकी ४० वर्षीया सीतादेवी रोकाया गम्भीर घाइते भएकी छ ।

उहाँको बझाङ जिल्ला अस्पतालमा उपचार सम्भव नभएकाले नेपालगञ्जतर्फ रेफर गर्ने तयारी भइरहेको छ । घाइते रोकायाको टाउकोको छालासहितको भित्री भागमा चोट लागेको छ ।

झण्डै एक हप्ताअघि देखि नगरपालिकाको छयाला, सुबेडा, खगेडा, देबल, लुयाँटा, राउडी बजारलगायतका गाँउमा भालुले आतङ्क मच्चाएको स्थानीय बासिन्दाले बताएका छन् ।

भालुको आतङ्कपछि अहिले घटनास्थलमा सहायक प्रमुख जिल्ला अधिकारी, डीभिजन वन कार्यालयको टोलीसहित सशस्त्र प्रहरीसहितको टोली पुगेको छ ।

सहायक प्रमुख जिल्ला अधिकारी रामबहादुर सार्कीले भालुलाई जंगलतर्फ धपाउने कि नियन्त्रणमा लिने भन्ने विषयमा डिभिजन वन कार्यालय र गृह मन्त्रालयसँग कुरा भइरहेको बताउनुभयो ।

भालु नियन्त्रणमा लिन जनशक्ति र स्रोत साधन नहुँदा समस्या भएको छ । गाँउमा एउटा माउ भालु र दुई वटा छाउरासहित तीन वटा भालु एक हप्तादेखि जयपृथ्वी नगरपालिकाका विभिन्न गाउँ पसेर आतङ्क मच्चाइरहेको छ ।

एक हप्तादेखि भालुले स्थानीय बासिन्दाका गोठभित्रै पसेरै विभिन्न गाउँबाट गरी तीन वटा गोरु मारेको स्थानीय दिपेश महरले बताउनुभयो ।

छाउरासहित खप्तड राष्ट्रिय निकुञ्जबाट निस्किएको भालु खप्तड छान्ना गाउँपालिका हुँदै जयपृथ्वी नगरपालिका पुगेको हो । एक हप्ताअघि खप्तड छान्ना गाँउपालिकाका विभिन्न गाँउबाट झण्डै २० भन्दाबढी बाख्रा मारेको खप्तड छान्ना गाँउपालिकाका प्रवक्ता रामबहादुर सिंहले बताउनुभयो ।

भालुको बासस्थानमा बाक्लो हिमपात भएका कारण भालु गाँउमा पसेको डिभिजन वन कार्यालयका प्रमुख कर्णबहादुर खातीले बताउनुभयो । उहाँले सबै स्थानीय बासिन्दालाई सचेत रहन आग्रह समेत गर्नुभएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्