कहाँबाट कस्तो देखियो सूर्यग्रहण ?

पुस १०, २०७६ बिहिबार ११:३२:५७ | उज्यालो सहकर्मी

काठमाण्डौ – बिहीबार बिहान ८ः४२ मा सुरु भएको ग्रहण बिहान ११ः३१ मा सकिएकाे छ ।

पश्चिम दक्षिण अर्थात् नैऋत्य दिशाबाट सुरु भएकाे ग्रहण दक्षिण दिशाबाट मध्य भएर दक्षिण पूर्वको भाग आग्नेय दिशाबाट समाप्त भयाे । ग्रहणको सूतक गएराति ८ः४२ बजेदेखि नै सुरु भएको थियाे ।

यो ग्रहण २०७६ सालको अन्तिम ग्रहण हो । यसअघि असार ३१ गते खण्डग्रास चन्द्रग्रहण लागेको थियो ।

खण्डग्रास सूर्यग्रहण नेपालबाट मात्र नभइ भारत, पाकिस्तान, श्रीलंका, मालदिभ्स, भुटान, चीन, म्यान्मार, अफगानिस्तान लगायत एसिया महाद्वीपका साथै अरु देशहरु अफ्रिका तथा अस्ट्रेलियाबाट समेत देखिएकाे थियाे ।