सोमालियाको राजधानी मोगादिशुमा कार बम विस्फोट, ७३ जनाको ज्यान गयाे

पुष १२, २०७६ शनिबार १८:८:१७ | उज्यालो सहकर्मी

काठमाण्डौ – सोमालियाको राजधानी मोगादिशुमा कार बम विस्फोट हुँदा कम्तीमा ७३ जनाको ज्यान गएको छ । शनिबार बिहानको समयमा मोगादिशुको व्यस्त चेक प्वाइन्ट नजिकै कार बम विस्फोट भएको हो ।

मदिना अस्पतालका निर्देशक डा. मोहम्मद युसुफले सामाचार संस्था एसोसिएटेड प्रेस ९एपी० सँग भने, ‘हामीले ७३ जनाको शव प्राप्त गरेका छौँ । मृतकको सङ्ख्या बढ्न सक्छ ।’

यो विस्फोटको अहिलेसम्म कुनै पनि समूहले जिम्मा लिएको छैन । विस्फोटको कुनै समूहले जिम्मा नलिए पनि अल–शबाबले बारम्बार यहाँ आक्रमण गर्दै आइरहेको छ ।

१० वर्षअघि पनि अल–शबाबले यस्तै ठूलो विस्फोट गराएको थियो । अल–शबाब, आतंकवादी संगठन अल–कायदासँग जोडिएको इस्लामिक आर्मीको समूह हो ।
घटनाका प्रत्यक्षदर्शीहरुले विस्फोटको भयानक दृश्यलाई यसरी बताएका छन् :

‘विस्फोटपछि मैले विभत्स भएका शवहरु देखेँ। कसैको शरीर चिनिन नसक्नेगरी जलिरहेको थियो’, घटनाको नजिकै रहेका सकारी अबदुकादिरले भने ।

सोमालियाका एक सांसद मोहम्मद अब्दिरिजाकले विस्फोटमा ९० जनाभन्दा बढीको ज्यान गइसकेको जानकारी प्राप्त भए पनि पुष्टि नभइ सकेको बताए ।

ज्यान गुमाउनेमा धेरै विश्वविद्यालयका विद्यार्थी रहेको बीबीसीले उल्लेख गरेकाे छ ।

अल्लाहले विस्फोटबाट प्रभावितलाई दया गरुन् पूर्व आन्तरिक सुरक्षा मन्त्रीले भने ।

यही महिनाको सुरुवातमा अल–शबाबको आक्रमणमा पाँच जनाले ज्यान गुमाएका थिए, होटलमा भएको आक्रमणमा राजनीतिज्ञ, कुटनीतिज्ञ र सैन्य अधिकारीहरु थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्