क्रिकेट २०१९ : धेरै टेस्ट जित्ने अष्ट्रेलिया, टी-२० जित्ने भारत

टप १० ब्याट्सम्यानमा अस्ट्रेलिया र इंग्ल्याण्डको दबदबा

पुष १५, २०७६ मंगलबार १६:४९:५ | उज्यालो सहकर्मी

३० डिसेम्बरमा दक्षिण अफ्रिकाले इंग्ल्याण्डमाथि जित निकालेपछि २०१९ को क्रिकेट क्यालेण्डर अन्त्य भएको छ ।

सन् २०१९ मा सबैभन्दा धेरै टेस्ट म्याच जित्ने रेकर्ड भने अस्ट्रेलियाले बनायो । भारतीय टिमले भने टी-२० मा यो रेकर्ड बनाएको छ । टेस्ट क्रिकेटमा अस्ट्रेलियाका मार्नस लाबुशेन अब्बल सावित भएका छन् । अन्तर्राष्ट्रिय क्रिकेटमा पाएकाे मौकाको सदुपयोग गर्ने कुरामा अस्ट्रेलियाका लाबुशेन अगाडि नै छन् ।

एशेज सिरिजमा स्टिभ स्मिथ घाइते भएपछि खेल्न पाएका मार्नस लाबुशेन प्रदर्शनकै बलमा टिममा स्थान बनाउन सफल भए । यस क्रममा वर्ल्ड टेस्ट च्याम्पियनशिपमा १००० भन्दा बढी रन बनाउने पहिलो ब्याट्सम्यान पनि लाबुशेन नैै बनेका छन् ।

यो वर्ष उनले ११ टेस्टका १७ पारीमा १हजार १ सय ८५ रन बनाए । जसमा ३ शतक र ७ अर्धशतक पनि समावेश छन् । लाबुशेनले टेस्ट क्रिकेटमा विराट कोहली, स्टिभ स्मिथ, केन विलियम्सन र जो रुट जस्ता शीर्ष खेलाडीलाई पछाडि पारे ।

टप १० मा अस्ट्रेलिया र इंग्ल्याण्डको दबदबा

यो वर्ष टेस्ट म्याचमा सर्वाधिक रन बनाउने खेलाडीको सूचीमा अस्ट्रेलिया र इंंग्ल्याण्डका खेलाडीको दबदबा रह्यो । टप १० खेलाडीको सूचीमा अस्ट्रेलिया र इंग्ल्याण्डका चार चार खेलाडीले स्थान बनाएका छन् ।

अस्ट्रेलियाका मार्नस लाबुशेन, स्टिभ स्मिथ, ट्राभिस हेड र डेभिड वार्नर । यसैगरी इंग्ल्याण्डका जो रुट, रोरी बर्न्स, बेन स्टोक्स र जो डेन्ली छन् । बाँकी दुई जनामा भारतका मायांक अग्रवाल र दक्षिण अफ्रिकाका क्विन्टन डी कक परेका छन् ।

मायांक अग्रवाल नम्बर १ भारतीय क्रिकेटर

भारतीय ब्याट्सम्यान मायांक अग्रवालले आफ्नो देशका सबै शीर्ष खेलाडीहरुलाई पछि पारे । २०१९ मा उनले ८ टेस्ट म्याचमा ७५४ रन बनाएका थिए । उनको उत्कृष्ट स्कोर २४३ हो । मायांकले ३ शतक र ४ अर्धशतक पनि बनाएका छन् । २०१९ मा दोहोरो शतक बनाउने एक मात्र भारतीय खेलाडी पनि उनी नै बने।

भारतले २०१९ मा ८ वटा टेस्ट क्रिकेट खेलेकोमा जसमा सात म्याचमा जित पनि हात पार्न सफल भयो । तर टेस्ट क्रिकेटमा सर्वाधिक रन बनाउने खेलाडीको सूचीमा भारतका मायांक अग्रवाल मात्रै अटाएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्