देशभर फौजी किराको प्रकोप बढ्दाे : सचेत रहन नार्कको आग्रह

पुष १८, २०७६ शुक्रबार १८:२२:२२ | उज्यालो सहकर्मी

काठमाण्डौ - नेपालको विभिन्न ठाउँमा लगाइएको मकैबालीमा अमेरिकी फौजी किराको प्रकोप फैलन थालेकाले सचेत रहन नेपाल कृषि अनुसन्धान परिषद् नार्कले आग्रह गरेको छ ।

गएकाे वर्ष नेपाल भित्रिएको अमेरिकी फौजी किराको प्रकोप पूर्वी पहाडी क्षेत्र हुँदै अहिले तराईमा फैलिएकाले सबैलाई सचेत रहन नार्कका सञ्चार प्रकाशन तथा अभिलेख महाशाखा प्रमुख हरिकृष्ण उप्रेतीले आग्रह गर्नुभएको छ ।

गएको वैशाख, जेठतिर मात्रै नेपाल भित्रिएको यो किरा अहिले झापा, मोरङ, सुनसरी, बारा, लगायतका ठाउँमा फैलिएकाले सचेत रहन उहाँले किसानलाई आग्रह गर्नुभएको हो ।

समयमै नियन्त्रण गर्न नसके बाली नै सखाप पार्नसक्ने भएकाले लार्भा भेटिनासाथ तत्काल कृषि विज्ञको सल्लाहमा नियन्त्रण गर्न र जथाभावी विषादीको प्रयोग नगर्न पनि किसानलाई आग्रह गरिएको उहाँले बताउनुभयो ।

यो किरा जमिनमुनि बस्ने गरेको तर किसानले विषादी बोटमा हाल्ने गरेकाले समस्या निर्मूल पार्न नसकिएको उहाँको भनाइ छ । यो किरा केही समय अगाडि धानमा फैलिएको फौजी किरा भने नभएको र यसले उम्रँदै गरेको मकै बालीमा बढि नोक्सानी पुर्‍याउने उहाँले जानकारी दिनुभयो ।

अहिले तराईका विभिन्न ठाउँमा हिउँदे मकै बाली रोपिएको छ । एक रातमा एक सय किलोमिटर टाढासम्म उड्नसक्ने भएकाले यसलाई समयमै नियन्त्रण गर्न आवश्यक भएको तर एकजना किसानले मात्रै नियन्त्रण गरेर सम्भव नहुने उहाँको भनाइ छ ।

कतिपय किसानले आफूखुशी रुपमा विषादीको प्रयोग गर्ने गरेकाले फौजी किराको प्रकोप समयमै रोक्न सकिएको छैन ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्