अमेरिका–ईरान तनाव : ‘तेस्रो विश्वयुद्धको कालो बादल मडारिन थाल्याे!’

पुष २०, २०७६ आइतबार १०:५६:६ | एजेन्सी

काठमाण्डौ – पाकिस्तानमा छापिने उर्दु भाषाका अखबारहरुले यो हप्ता ईरानी सैन्य कमाण्डरको अमेरिकी आक्रमणमा मृत्यु भएको खबरलाई प्राथमिकतामा राखेका छन् ।

साथै पाकिस्तानी सेना प्रमुखकको कार्यकाल विस्तार र भारतमा नागरिकता संशोधन कानुन र राष्ट्रिय नागरिकता रजिस्टर (सीएए–एनआरसी) विरुद्ध भइरहेको विरोध प्रदर्शनसँग जोडिएका खबरलाई निकै महत्वका साथ छापेका छन् ।

सबैभन्दा पहिला कुरा गरौँ, ईरानी सैन्य कमाण्डर कासिम सुलेमानीको हत्याको बारेमा । ईरानको कुद्स फोर्सका प्रमुख कासिम सुलेमानीको बगदाद अन्तर्राष्ट्रिय एअरपोर्टनजिक एक अमेरिकी हवाई आक्रमणमा ज्यान गएको थियो ।

यस विषयमा अमेरिकी रक्षा विभागले एक बयान जारी गर्दै भन्यो, ‘अमेरिकी राष्ट्रपतिको निर्देशनमा विदेशमा रहेका अमेरिकी सैन्यकर्मीहरुको रक्षको लागि कासिम सुलेमानीलाई मार्ने कदम उठाइएको हो । अमेरिकाले उनलाई आतङ्कवादी घोषित गरिसकेको थियो ।’

कुद्स फोर्स ईरानको इस्लामिक रिभोल्युशनरी गार्ड्स कर्प्सको एक शाखा हो, जसले देशबाहिरको अभियानमा सहयोग गर्छ । र यसका प्रमुख सुलेमानी सिधारुपमा देशका सर्वाेच्च नेता आयतोल्लाह अली खामेनेईप्रति जवाफदेही थिए । सुलेमानीलाई आमेनेईको निकै घनिष्ट मानिन्थ्यो र भविष्यको नेताका रुपमा हेरिएको थियो ।

याे पनि पढ्नुस्

हवाई आक्रमणमा ईरानकाे कुद्स फाेर्सका प्रमुख साेलेमानीकाे ज्यान गयाे

ईरानकाे ५२ ठाउँलाई निसाना बनाइएकाे छ, जुनसुकै बेला आक्रमण गर्न सक्छाैँ : डाेनाल्ड ट्रम्प

सैन्य कमाण्डर हत्या गर्ने अमेरिकासँग बदला लिने इरानको चेतावनी

पाकिस्तानका सबै अखबारको पहिलो पानामा यो खबर छापिएको छ । अखबार ‘जंग’ ले पनि ठूलो अक्षरमा लेखेको छ, ‘मध्य–पूर्वमा युद्धको खतरा’ ।

ईरानका सर्वाेच्च नेता आयोतोल्लाह खामेनेईले सैनिक कमाण्डर सुलेमानीको हत्याको अमेरिकासँग बदला लिने बताएका छन् । उता अमेरिकी राष्ट्रपटि ट्रम्पले सुलेमानीलाई निकै पहिला नै मार्नुपर्ने प्रतिक्रिया दिएका छन् ।

इजरायलले पनि अमेरिकी कदमको स्वागत गरेको छ । इजरायलका प्रधानमन्त्री बेन्जामिन नेतान्याहुले अमेरिका आफ्नो आत्मरक्षाको लागि दत्तचित्त भएको बताउँदा अमेरिकी सभामुक नेन्सी पेलोसीले भने यो आक्रमणले झन् हिंसा बढ्ने बताइन् ।

अखबार ‘जंग’ का अनुसार रुसका राष्ट्रपति भ्लादिमिर पुटिनले अमेरिकी आक्रमणपछि त्यस क्षेत्रमा अवस्था अझ नाजुक हुने बताएका छन् ।

अमेरिका–ईरान तनावले भने पाकिस्तानलाई आफ्नो अर्थव्यवस्थाको चिन्ता थपिएको छ । पाकिस्तानी विदेश मन्त्री शाह मुहम्मद कुरैशीले पनि यी दुई देशबीचको तनावले पाकिस्तानको विदेश नीति र आर्थिक अवस्थामा पर्ने असरबारे संसदमा नै बोलेका थिए ।

त्यस्तै अखबार ‘दुनिया’ ले लेखेको छ, ‘तेस्रो विश्वयुद्धको कालो बादल मडारिन लागेको छ ।’ अखबारका अनुसार सुलेमानीको मृत्युपछि त्यस क्षेत्रमा तनाव बढेको छ र सबैको ध्यान रुसतर्फ तानिएको छ । वर्तमान समयमा मध्य–पूर्वमा रुसको हस्तक्षेप बढेको छ र आउँदा दिनमा रुसको भूमिका प्रमुख हुने बताइएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्