राष्ट्रिय टिमबाट खेलिसकेका डिफेन्डर रविन श्रेष्ठ चाेटमुक्त : दुई वर्षपछि मैदान फर्किए

पुष २०, २०७६ आइतबार १८:४३:२९ | उज्यालो सहकर्मी

काठमाण्डाै - नेपाल राष्ट्रिय टिमबाट खेलिसकेका डिफेन्डर रविन श्रेष्ठ चोटमुक्त भएर मैदान फर्किएका छन् । शहीद स्मारक ए डिभिजन लिगको तेस्रो चरणमा सरस्वती युवा क्लबविरुद्धको खेलमा कप्तानको ब्यान्ड लगाएर रविनले घरेलु फुटबलमा कमब्याक गरेका हुन् ।

राष्ट्रिय टिमका भरपर्दा डिफेन्डर रविनको राष्ट्रिय टिमबाट खेल्ने धोको अझै पनि पूरा भइसकेको छैन ।

लेफ्ट फुटेड फुलब्याक रविन दुई वर्षअघि भएको फिलिपिन्सविरुद्धको म्याचमा घाइते भएका थिए । त्यसपछि उनी पूर्ण रुपमा स्वास्थ्य लाभ गरिरहेका थिए । ए डिभिजन लिगमा सरस्वती क्लबविरुद्ध मैदानमा पुनरागमन गरेपछि उत्साहित छन् । तर, पहिलो प्राथमिकता भने पुलिस टिम नै रहेको उनको भनाइ छ ।

‘अहिले मेरो फोकस भनेको ए डिभिजन लिग हो । टिमलाई जतिसक्दो राम्रो गरेर राम्रो पोजिसनसम्म पुर्‍याउन मद्धत गर्छु ।’

राम्रो प्रदर्शन गरे राष्ट्रिय टिमबाट बोलावट हुनेमा उनी विश्वस्त छन् ।

राष्ट्रिय टिममा लेफ्ट फुलब्याकमा राम्रो खेल्ने खेलाडी अझै पनि देखिएका छैनन् । त्यही मौका सदुपयोग गर्न चाहन्छन् रबिन। त्यसका लागि लिगमा उच्च प्रदर्शन गर्नुपर्नेछ भनेर पनि उनलाई थाहा छ ।

‘खेलाडी भएर खेलिसकेपछि राष्ट्रिय टिममा आउने सबैको चाहना हुन्छ ,’ रविनको भनाइ छ ।

सन् २००८ मा १७ वर्षको उमेरमा रविनले राष्ट्रिय टिममा डेब्यू गरेका थिए । एएफसी च्यालेञ्ज कप अन्तर्गत उत्तर कोरियाविरुद्धको खेलमा पहिलो पटक चन्द्र–सुर्य अंकित राष्ट्रिय जर्सी लगाएका रविन डिफेन्समा रहेर ओलभरल्यापमा जान खप्पिस छन् । इन्ज्युरी अघिसम्म पनि रविन लगातार रुपमा राष्ट्रिय टोलीमा खेलिरहेका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्