घुस मागेको आरोप झुटो हो, मेरो मानहानी भयो : उपाध्यक्ष गिरी

पुष २३, २०७६ बुधबार १७:४८:२३ | उज्यालो सहकर्मी

काठमाण्डौ – चिकित्सा शिक्षा आयोगका उपाध्यक्ष श्रीकृष्ण गिरीले बीएण्डसी मेडिकल कलेजका सञ्चालक दुर्गा प्रसाईँसँग घुस मागेको आरोप कपोलकल्पित भएको भन्दै खण्डन गर्नुभएको छ ।

प्रसाईँले चरित्र हत्या गर्ने उदेश्यले भ्रामक समाचार फैलाएको भन्दै गिरीले आफ्नाे मानहानी भएकाे र त्यसकाे कानुनी उपचार खोज्ने चेतावनी दिनुभएको छ ।

बीएण्डसी मेडिकल कलेजका सञ्चालक प्रसाईँले बुधबार पत्रकार सम्मेलन गरेर कलेजको सम्बन्धनका लागि गिरीले २० करोड रुपैयाँ घुस मागेको आरोप लगाउँनु भएको थियो । बुधबार नै पत्रकार सम्मेलन गरेका गिरीले आरोपको पुष्टि गर्न चेतावनी पनि दिनुभएको छ । उहाँले भन्नुभयो, ‘आरोपप्रति खेद छ । यो झुटो र कपोकल्पित छ । यो आरोपको पुष्टि गर्न चेतावनी दिन्छु ।’

सम्बन्धित समाचार

सम्बन्धनका लागि २० करोड घुस मागेको बीएण्डसी मेडिकल कलेजका सञ्चालक दुर्गा प्रसाईँको आरोप

उहाँले आरोपमा कुनै सत्यता नभएको भन्दै आफू १५ मंसिरमा द्वारिका होटल नै नगएको र प्रसाईँसँग भेट पनि नभएको दावी गर्नुभएको हो ।

तर, प्रसाईँले भने बीएण्डसीलाई सम्बन्धन माग्दै निवेदन लिएर मंसिर १५ गते चिकित्सा शिक्षा आयोगमा पुगेको र गिरीले त्यही दिन बेलुकी एउटा होटलमा बोलाएर घुस मागेको दावी गर्नुभएको थियाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्