ए डिभिजन लिग : त्रिभुवन आर्मी क्लब शीर्ष स्थानमा

पुष २४, २०७६ बिहीबार १८:५८:५१ | उज्यालो सहकर्मी

काठमाण्डाै - विभागीय टिम त्रिभुवन आर्मी शहीद स्मारक ए डिभिजन लिग फुटबलको शीर्ष स्थानमा उक्लिएको छ ।

दशरथ रंगशालामा आज भएको खेलमा सरस्वती युथ क्लबलाई १–० ले हराउँदै आर्मी लिगको शीर्ष स्थानमा उक्लिएको हो । आर्मीका लागि खेलको ३० औँ मिनेटमा जर्ज प्रिन्स कार्कीले गरेको गोल नै निर्णायक बन्यो । आर्मीले ५ खेलमा १२ अंक जोडेको छ । दोस्रो स्थानमा रहेको मनाङको ५ खेलमा ११ अंक रहेको छ । सरस्वती लिगको पुछारमा रहेको छ ।

बिहीबारै भएको पहिलो खेलमा संकटा क्लबले दोस्रो जित निकालेको छ । विभागीय टिम एपीएफ क्लबलाई ४–२ गोल अन्तरले पराजित गर्दै संकटाले लिगमा दोस्रो जित निकालेको हो । दशरथ रंगशाला, त्रिपुरेश्वरमा भएको खेलमा संकटालाई जिताउन अजयी मार्टिनले दुई गोल गरे । यस्तै लक्ष्मण रुचाल र कर्ण लिम्बूले एक-एक गोल गरे ।

एपीएफका नबिन लामा र आशिष लामाले एक-एक गोल फर्काए । जितसँगै संकटा लिगको सातौँ स्थानमा उक्लिएको छ । संकटाले ५ खेलमा ७ अंक जोडेको छ । एपीएफको ५ खेलमा ४ अंक रहेको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्