नेकपाले सभामुखबारे निर्णय गर्न नसक्दा प्रतिनिधि सभाको बैठक फेरि स्थगित

पुष २७, २०७६ आइतबार १३:३:११ | उज्यालो सहकर्मी

काठमाण्डाै – प्रतिनिधि सभाको बैठक आउँदो माघ ६ गते बस्ने गरी स्थगित भएको छ ।

आइतबार दिउँसो १ बजेका लागि बोलाइएको बैठक सत्तारुढ नेपाल कम्युनिष्ट पार्टी (नेकपा) ले सभामुखको टुङ्गो नलगाउँदा फेरि एक हप्ताका लागि सारिएको हो । संसद सचिवालयले सूचना टाँसेर बैठक आउँदो ६ गतेका लागि सारिएको जनाएको हो ।

सभामुख कसलाई बनाउने भन्ने बारेमा नै टुङ्गो नलाग्दा यसअघि गएको पुस ११ गते र १६ गतेका लागि बोलाइएको बैठक पनि स्थगित गरेर आइतबारका लागि सारिएको थियो ।

नेकपाको सचिवालय बैठकले उपसभामुख डाक्टर शिवमाया तुम्बाहाम्फेको राजीनामा माग्ने निर्णय गरे पनि उहाँले राजीनामा दिन अस्वीकार गर्नुभएको छ ।सभामुखको उम्मेदवार चयन नभएसम्म उहाँ उपसभामुखबाट राजीनामा नदिने अडानमा कायमै रहनुभएको छ ।

उहाँले आजको बैठक आफै सञ्चालन गर्ने तयारी गरिरहेको बताए पनि बैठक सूचना टाँस गरेर स्थगित गरिएको हो । संवैधानिक व्यवस्थाअनुसार पनि संसदलाई रिक्त बनाएर हिँड्न नमिल्ने भएकाले सभामुख को बन्ने भन्ने टुङ्गो लागेपछि मात्रै आफूले राजीनामा दिने उहाँको भनाइ छ ।

नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच कसलाई सभामुखको उम्मेदवार बनाउने भन्नेमा कुरो नमिल्दा संसद बैठक प्रभावित हुँदै आएको छ ।

यौन दुर्व्यवहारकाे अभियोगमा तत्कालीन सभामुख कृष्णबहादुर महरा पक्राउ परेको चार महिना पुग्नै लाग्दा समेत नेकपाले सभामुख कसलाई बनाउने भन्ने टुङ्गो लगाउन सकेको छैन ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्