इतिहासकै 'कन्जुस बलर', १३१ बलमा एक रन पनि दिएनन्

पुष २७, २०७६ आइतबार १३:५३:६ | उज्यालो सहकर्मी

काठमाण्डौ – बापु नादकर्णी टेस्ट क्रिकेट इतिहासमा यस्तो नाम हो, जसले अद्भुत कीर्तिमान बनाएका छन् । उनलाई सबैभन्दा 'कन्जुस बलर' का रुपमा पनि सम्झिने गरिन्छ ।

उनले टेस्ट क्रिकेटमा लगातार एक सय ३१ बलमा एक पनि रन नदिएर कीर्तिमान राखेका छन् । उनले ५६ वर्षअघि जनवरी १२ मा यो कीर्तिमान बनाएका थिए ।

बापुले आफ्नो बायाँ हाते स्पीन बलिङको मद्दतमा सन् १९६४ मा मद्रासको नेहरु स्टेडियममा अङ्ग्रेज ब्याट्सम्यानलाई रन लिन निकै मुश्किल स्थितिको सिर्जना गरेका थिए ।

यही मैदानमा खेलिएको टेस्ट म्याचमा उनले एकपछि अर्काे गर्दै एक सय ३१ बल गरे, जसमा उनले एक रन पनि बनाउन दिएनन् । यो पारीमा उनले कुल ३२ ओभरमा २७ मेडन राखे, जसमा लगातार २१ ओभर मेडन थियो ।

उनले ३२ ओभर गर्दा जम्मा पाँच रन मात्र दिए । उनको बलिङ स्पेल यस्तो थियो : ३२ ओभर–२७ मेडन–५ रन–० विकट ।

उनी नेट्समा अभ्यास गर्दा सिक्का राखेर बलिङ गर्दथे । टेस्ट करियरमा उनको १ दशमलव ६७ रन प्रतिओभरको इकोनमी छ । उनले ४१ टेस्ट खेल्दा ९१६५ बलमा २५५९ रन दिँदै ८८ विकेट लिएका छन् ।

क्रिकेटको सबै विधामा निपुण बापुले ब्याटिङ पनि राम्रै गर्थे, उनी प्रभावशाली फिल्डर पनि थिए । उनले इंग्ल्याण्डविरुद्ध सन् १९६३–६४ सिरिजमा कानपुरमा अविजित एक सय २२ रन बनाउँदै भारतलाई हारबाट बचाएका थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्