नेप्से परिसुचकमा उल्लेख्य सुधार : सुधार धेरै समय नटिक्ने विष्लेषण

पुष २७, २०७६ आइतबार १७:१४:१६ | उज्यालो सहकर्मी

काठमाण्डौ–नेप्से परिसुचक आईतबार ४२ दशमलव ६१ अंकले बढेको छ । कारोबार हुने हप्ताको पहिलो दिन आइतबार परिसुचक १२ सय ५५ दशमलव ७२ विन्दुमा पुगेर कारोबार बन्द भएको छ । सबै समूहको उप–सुचक बढेको नेपाल स्टक एक्सचेन्ज लिमिटेडले जनाएको छ ।

सबैभन्दा धेरै जीवन बीमा समूहको परिसुचक ४ सय ९ दशमलव २७ र नीर्जीवन बीमा समूहको परिसुचक ३ सय ८४ दशमलव २१ अंकले बढेको छ । आइतबार कारोबार रकम पनि १ अर्ब ३३ करोड रुपैयाँभन्दा धेरै पुगेको छ । दिनभरिको कारोबारमा १ अर्ब ३३ करोड ५७ लाख रुपैयाँ बराबरको ३८ लाख ३१ हजार कित्ता शेयर किनबेच भएको छ ।

आइतबार सबैभन्दा धेरे नेपाल लाईफ ईन्स्योरेन्स कम्पनीको ५ करोड ४८ लाख रुपैयाँको शेयर कारोबार भएको छ । त्यस्तै ग्रामिण विकास लघुवित्त वित्तिय संस्था लिमिटेडको ४ करोड ६३ लाख रुपैयाँ र एनआईसी एसिया बैंक लिमिटेडको ४ करोड रुपैयाँभन्दा धेरैको शेयर कारोबार भएको छ ।

आइतबार सूर्य लाईफ ईन्स्योरेन्स कम्पनी लिमिटेड, नेपाल इएन्स्योरेन्स कम्पनी लिमिटेड, प्रिमियर ईन्स्योरेन्स कम्पनी लिमिटेड, सिद्धार्थ ईन्स्योरेन्स लिमिटेड र मेरो माईक्रोफाईनान्स वित्तिय संस्थाका शेयर लगानीकर्ताले १० प्रतिशत कमाएका छन् ।

अरु २० कम्पनीका शेयर लगानीकर्ताले पनि झण्डै १० प्रतिशत कमाएका छन् । माउण्टेन हाईड्रो नेपाल लिमिटेड लगायत कम्पनीका शेयर लगानीकर्ताले भने २ प्रतिशतभन्दा कम गुमाएका छन् । कारोबार रकम र नेप्से परिसुचक दुबै बढेसँगै आइतबार सर्किट ब्रेक समेत लगाउनुपरेको थियो ।

अघिल्लो हप्ताको प्रभाव

आइतबार कारोबार र परिसुचक बढ्नुमा अघिल्लो हप्ताको कारोबारको प्रभाव भएको क्रिष्टल कञ्चनजङ्घा सेक्युरिटीका ब्रोकर हरी खड्काले उज्यालोलाई बताउनुभयो ।

अघिल्लो हप्ता निरन्तर बजार सुधार भएको र त्यसले लगानीकर्ताहरु हतोत्साहित भएर आइतबार धेरै व्यक्ति किनबेचमा अघि बढेकाले सुधार भएको उहाँको भनाई छ ।अघिल्लो हप्ता नेप्से परिसुचक बढेर १२ सय १३ अंकभन्दा माथि पुगेको थियो ।

सुधार धेरै समय नटिक्न सक्छ

यो सुधार धेरै समय टिक्ने अवस्थामा नरहेको शेयर विश्लेषक प्रकाश तिवारी बताउनुहुन्छ ।

केहीदिनदेखि अर्थमन्त्री युवराज खतिवडाले शेयर कारोबारबारे सकारात्मक अभिव्यक्ति दिन थाल्नुभएको र धितोपत्र बोर्डले पनि नयाँ अध्यक्ष पाएकोले बजारमा लगानीकर्ताको सक्रियता बढेको उहाँले जानकारी दिनुभयो । पुस मसान्त नजिकिँदै गएकोले अब बजार कसरी अगाडी बढ्छ भन्ने कुरा केही दिनपछिको कारोबारले थप पुष्टी गर्ने उहाँको भनाई छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्