अमेरिकामा नवनिर्वाचित राष्ट्रपति ट्रम्पबाट मन्त्रीमन्डल पूर्णता
मंसिर ९, २०८१ आइतबार
काठमाण्डाै - नेपाली खेलाडी सन्दीप लामिछाने आवद्ध मेलवर्न स्टार्सले अस्ट्रेलियामा जारी बिग ब्यास लिग क्रिकेटमा आठौं जित दर्ता गरेको छ ।
तालिकाको शीर्ष स्थानमा रहेको मेलवर्नले दोस्रो स्थानको सिड्नी सिक्सर्सलाई ४४ रनले पराजित गरेको हो । मेलवर्नले दिएको २२० रनको विशाल लक्ष्य पछ्याएको सिक्सर्स ७ विकेट गुमाउँदै १७५ रनमा रोकिन पुग्यो ।
सिक्सर्सका लागि मोएसिस हेनरिकले ४१ रन बनाउँदा जोर्डन सिल्कले ३२ रन बनाए । यस्तै डेनियल हग्सले २० तथा जेम्स भिन्सले १६ रन बनाए । वने डारविस अन्तिमसम्म टिक्दै नट आउट सर्वाधिक ४२ रन बनाए पनि मेलवर्नले दिएको विशाल लक्ष्य पार गराउन असफल रहे ।
आइतबारको खेलमा सन्दीपले ४ ओभरमा ३५ रन खर्चिएर १ विकेट हात पारे । मेलवर्नको आठौं ओभरमा व्यक्तिगत पहिलो ओभर लिएका सन्दीपले पहिलो बलमा एक रन दिए । दोस्रो बलमा मोसिस हेनरिकले छक्का प्रहार गरेका थिए । तेस्रो बल डट राखेका सन्दीपले चौथो बलमा २ रन दिन पुगे । पाँचौ बल डट राख्दै रन रोक्ने प्रयास गरेका सन्दीपले छैटौं बलमा एक रन दिन पुगे ।
उनले पहिलो ओभरमा १० रन खर्चिएका थिए । दोस्रो ओभर लिएर टिमको दशौं ओभरमा आएका थिए । पहिलो बल डट राखेका सन्दीपले दोस्रो बलमा २ रन दिए भने तेस्रो बलमा छक्काको सामना गरे । चौथो र पाँचौं बलमा एक एक रन दिएका सन्दीपले अन्तिम बलमा भने एक रन पनि खर्चिएनन् ।
उनले दोस्रो ओभरमा पनि १० रन नै खर्चिए । २ ओभरमा २० रन खर्चिदासम्म सन्दीप विकेट विहीन नै थिए । व्यक्तिगत तेस्रो ओभर लिएर सन्दीप १३ औं ओभरमा आएका थिए । पहिलो बल डट राखेका सन्दीपले दोस्रो बलमा विकेट लिन सफल भए ।
उनले टम कुरानलाई आउट गर्दै पेभेलियन पठाए । त्यसपछि तेस्रो पाँचौं र छैटौं बलमा एक एक रन दिएका सन्दीपले चौथो बलमा भने २ रन खर्चिएका थिए ।
व्यक्तिगत तेस्रो ओभरमा सन्दीपले १ विकेट लिँदा ५ रन खर्चिए । तेस्रो ओभरम्म सन्दीपले १ विकेट लिँदा २५ रन दिएका थिए । सन्दीपले आफ्नो अन्तिम ओभर लिएर १७ औं ओभरमा आएका थिए ।
पहिलो बल मा २ रन खर्चिएका सन्दीपले दोस्रो बलमा चौका दिन पुगे । तेस्रो बलमा एक रन खर्चिए पनि चौथो बल भने डट राखेका थिए । यस्तै पाँचौं बलमा २ तथा अन्तिम बलमा एक रन दिन पुगे । चौथो ओभरमा सन्दीपले १० रन खर्चिए ।
समग्रमा चार ओभर बलिङ गर्दा ३५ रन खर्चिएर सन्दीपले १ विकेट लिए । जारी प्रतियोगितामा सन्दीपले विकेट संख्या भने ९ बनाएका छन् ।
मेलवर्नका लागि क्लिन हिनचिलिफले ३ विकेट लिँदा सन्दीप लामिछाने, लेन्स मोरिस, हेरिस रफ र डेनियल वरलले एक एक विकेट लिए । त्यसअघि टस हारेर पहिला ब्याटिङ गरेको मेलवर्नले निर्धारित ओभरमा १ विकेट गुमाएर २१९ रनको विशाल योगफल तयार पारेको थियो ।
मेलवर्नले विशाल योगफल तयार पार्दा मार्कस स्टोनिसले शतक तथा हिल्टन कार्टराइटले अर्धशतकीय पारी खेले । पहिलो विकेटका लागि स्टोनिस र हिल्टनले २०७ रनको ऐतिहासिक साझेदारी गरे । यो विग ब्यासको सर्वाधिक ठूलो साझेदारी पनि हो ।
२०७ रन हुँदा १९.१ ओभरमा हिल्टन ५९ रन बनाएर आउट भए । हिल्टनले ४० बलमा ३ छक्का र ६ चौका प्रहार गरेका थिए । यसैगरी नट आउट १४७ रन बनाएका स्टोनिसले ७९ बलमा ८ छक्का र १३ चौका प्रहार गरे ।
यसैगरी ग्लेन म्याक्सवेलले २ बलमा ५ रन बनाउँदै नटआउट रहे । मेलवर्नले गुमाएको एक विकेट सिड्नी सिक्सर्सका टम कुरानले लिए ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।