ए डिभिजन लिग : च्यासल र एपीएफ गोलरहित बराबरीमा रोकिए

पुष २८, २०७६ सोमबार १८:४:१८ | उज्यालो सहकर्मी

काठमाण्डाै - शहीद स्मारक ए डिभिजन लिग फुटबलमा न्युरोड टिम एनआरटी विजयी हुँदा च्यासल र एपीएफ बराबरीमा रोकिएका छन् ।

लिग अन्तर्गत छैटौं चरणको खेलमा एनआरटीले विभागीय क्लब नेपाल पुलिसलाई १–० ले पराजित गरेको हो । दशरथ रंगशालामा सोमबार भएको पहिलो खेलमा ७६ औं मिनेटमा दर्शन गुरुङले गरेको गोल नै एनआरटीलाई स्पष्ट तीन अंक दिलाउन पर्‍याप्त बन्यो ।

यो एनआरटीको जारी लिगमा तेस्रो जीत पनि हो । खेलको ३७ औं मिनेटमा पुलिसका सुमन लामाले डिबक्स भित्रबाट प्रहार गरेकाे बल एनआरटीका गोलरक्षक अजित प्रजापतिले बचाएका थिए ।

४८ औं मिनेटमा पुलिसका मानबहादुर परियारको हेड बल एनआरटीका मिडफिल्डर एरिक बिष्टले गोललाइनबाट क्लिएर गर्दै सम्भावित खतरा टारेका थिए ।

पहिलो हाफ गोलरहित बराबरी भएको खेलको ७६ औं मिनेटमा दर्शनले गोल गर्दै टिमलाइ अग्रता दिलाए । उनले डिबक्स भित्रबाट गरेको प्रहार गोलमा परिणत भएको थियो ।

७८ औं मिनेटमा राजेश परियारले डिबक्स भित्रबाट हानेको कडा प्रहार पुलिसका गोलरक्षक शत्रुधन चौधरीले जोगाए । दोस्रो हाफको इन्ज्युरी समयमा पुलिसका अन्जन राईले डिबक्स बाहिरबाट गरेको लामो प्रहार क्रसबारमा लागेर फर्किदा पुलिस बराबरी गर्नबाट चुक्यो ।

जितसँगै एनआरटी लिगको छैटौं स्थानमा उक्लिएको छ । एनआरटीले ६ खेलमा ८ अंक जोडेको छ । पुलिसको भने यो दोस्रो हार हो । पुलिस ६ खेलमा ८ अंकसहित सातौं स्थानमा झरेको छ ।

सोमबार नै भएको अर्को खेलमा च्यासल युथ क्लब र एपीएफ क्लबले एक एक अंक लिएका छन् । सोमबार दशरथ रंगशालामा भएको दोस्रो खेलमा दुबै टिमले गोलरहित बराबरी खेल्दै एक एक अंकमा चित्त बुझाएका हुन् ।

निर्धारित ९० मिनेटको समय गोलरहित बराबरीमा टुंगिएपछि च्यासल ६ अंकसहित १० औं तथा एपीएफ ५ अंकसहित ११ औं स्थानमा यथावत रहेका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्