नेपालीहरु विदेश घुम्दा ५ महिनामै बाहिरियो साढे ३१ अर्ब रुपैयाँ : पढ्न जानेहरुको खर्च १५ अर्ब !

माघ ६, २०७६ सोमबार १५:५१:५३ | उज्यालो सहकर्मी

काठमाण्डौ - चालु आर्थिक वर्षको पहिलो पाँच महिनामा नेपालीले विदेश घुम्न र अध्ययनमा साढे ३१ अर्ब रुपैयाँ खर्च गरेका छन् ।

नेपाल राष्ट्र बैंकले प्रकाशित गरेको रिपोर्ट अनुसार साउनदेखि मंसिरसम्म नेपालीले विदेश भ्रमण र शिक्षामा गरी ३१ अर्ब ५२ करोड रुपैयाँ खर्च गरेका छन् ।

भ्रमणको लागि १६ अर्ब ७६ करोड रुपैयाँ र शिक्षातर्फ १४ अर्ब ७६ करोड रुपैयाँ बाहिरिएको राष्ट्र बैंकले जनाएको छ । राष्ट्र बैंकले वैदेशिक अध्ययनको लागि जानेहरुको खर्चलाई पनि वैदेशिक भ्रमण व्ययमै राख्ने गरेको छ ।

तर, यो रकम गएको वर्षको ५ महिनाको अवधिमा २३ दशमलव ७ प्रतिशतले कम हो । गएको वर्षको सुरुको ५ महिनामा भ्रमण व्यय ४१ अर्ब ३४ करोड रुपैयाँ थियो । यसमध्ये भ्रमणमा १९ अर्ब २० करोड र शिक्षातर्फको खर्च २२ अर्ब १४ करोड रुपैयाँ रहेको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्