नेकपाका नेता कार्यकर्ताले ‘तँ’ भन्न नपाउने, परिवारका सबै सँगै बसेर खानुपर्ने

माघ ६, २०७६ सोमबार १८:५८:३४ | उज्यालो सहकर्मी

काठमाण्डौ - सत्तारुढ नेपाल कम्युनिष्ट पार्टीले आफ्ना नेता, कार्यकर्ता र सदस्यहरुको लागि ११ बुँदे आचारसंहिता जारी गरेको छ ।

११ बुँदे आचारसंहितामा परिवारमा गर्नुपर्ने व्यवहारदेखि देशकै हितका लागि गर्नुपर्ने काम उल्लेख गरिएको छ । अध्यक्षद्धय केपी शर्मा ओली र पुष्पकमल दाहाल प्रचण्डले हस्ताक्षर गरेको आचारसंहिता आइतबारदेखि नै लागू भएको नेकपाले जनाएको छ ।

आचारसंहितामा पार्टीका सबै तहका नेता, कार्यकर्ता र पार्टी सदस्यले परिवारभित्र कसैलाई पनि तँ भन्न नपाइने उल्लेख छ । ‘परिवारका सदस्य र अरूसँग बोलिने भाषा मर्यादित, सरल र मिठासपूर्ण बनाउनुपर्छ । कसैलाई पनि हेलाँहोचो, एकारान्त तथा तँ भन्न पूर्णरूपले बन्द गर्नुपर्छ,’ आचारसंहितामा भनिएको छ ।

आचारसंहितामा लेखिएको छ, ‘बेलाबेलामा परिवारका सदस्यहरू सबै जुटेर पारिवारिक बैठक बसी हार्दिकपूर्ण वातावरणमा सबैले सबैलाई सल्लाह, सुझाव दिने र आलोचना गर्ने स्थिति निर्माण गर्नुपछ ।’

यस्तै परिवारका सदस्यहरु सबै सँगै बसेर खाना खान पनि नेकपाले आफ्ना नेता कार्यकर्तालाई निर्देशन दिएको छ । आचारसंहितामा १६ वर्ष पुगेका परिवारका सबै सदस्यहरूका बीच दिनभरि गर्नुपर्ने घरका कामहरू सम्पन्न गर्न कार्यविभाजन गर्नुपर्ने तथा कार्यविभाजन गर्दा सबैभन्दा अप्ठ्यारो काम आफूले लिनुपर्ने भनिएको छ ।

महिनामा एक दिन गाउँ वा टोलका सबै परिवारजनबीच वनभोज वा सहभोज गर्नुपर्ने पनि आचारसंहितामा उल्लेख छ । यस्ता कार्यक्रममा मद्यपान, धुमपान वा छाडा व्यवहार गर्न भने प्रतिबन्ध लगाउन भनिएको छ ।

मनोरञ्जनका निम्ति शुभकामना आदानप्रदान, मेलमिलाप, सार्वजनिक महत्वका विषयमा छलफल, नाचगान, नाटक, प्रवचन आदि सञ्चालन गर्न नेकपाले पार्टी नेता, कार्यकर्तालाई निर्देशन दिएको छ ।

छोराछोरीको बिहे मितव्ययी ढंगले गर्न पनि नेकपाले निर्देशन दिएको छ । यस्तै पार्टी सदस्यहरूले आफ्नो कमाइबाट राज्यलाई कर तिर्न, जीवन निर्वाह गर्न र पार्टीलाई नियमित लेबी बुझाउन पनि भनिएको छ ।

समाजमा रहेका कुरीति, रूढीवादी संस्कार, भेदभाव, छुवाछूत र महिलामाथि हुने हिंसाविरूद्ध सधैं खडा हुन पनि नेकपाले आफ्ना नेता कार्यकर्तालाई निर्देशन दिएको छ ।

घरेलु श्रमिक नराख्न, पाँचवर्ष पुगेका बालबालिकालाई अनिवार्य स्कुल पठाउनसमेत नेकपाले भनेको छ । नेकपाले यो आचारसंहिता लागू गर्न र गराउन सबै तहका कमिटीलाई निर्देशनसमेत दिएको छ ।

यस्ताे छ नेकपाकाे सर्कुलर

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

jAnardan Dahal
Jan. 21, 2020, 7:09 a.m.
राम्रो निर्देशन जारी भएछ । आजका कार्यकर्तालाई यो सिकाउनु आबस्यक थियोे । तर पार्टी कमिटीको मै लागुगर्न नसकिने अबस्थामा ब्यक्ति ब्यक्तिमा, उनीहरुको बुझाइमा एकरुपता ल्याउन सक्ला र ? एकातिर राजस्व लुकाउने, छल्ने र अर्कोतिर नक्कली परियोजनामा अनुदान लिने अनि बांडिचुडी खाने सांसद र जनप्रतिनिधि आँखै अगाडी देखिएको छन त्यो पनि सरकारी गुटमा । मानव तस्कर, भुमाफिया, अबैध उत्खननकर्ता, काम नसक्ने ठेकेदार र तिनलाई सघाउने कर्मचारी धेरै त पार्टी कार्यकता छन । निर्देशनलाई बङ्याउन थालिसके ।जब गलत गर्नेको बाहुल्यता हुन्छ तब सहि कुरा समेत मजाक बन्छ । यो सूचना त्यस्तो नबनोस शुभकामना ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेकपाका नेता कार्यकर्ताले ‘तँ’ भन्न नपाउने, परिवारका सबै सँगै बसेर खानुपर्ने

1 Comments

jAnardan Dahal

तपाईको प्रतिक्रिया

तपाईको प्रतिक्रिया