आरबीबी एनभीए क्लब च्याम्पियनशिप महिला तर्फको उपाधि एपीएफ क्लबलाई

माघ १०, २०७६ शुक्रबार १६:५६:७ | उज्यालो सहकर्मी

काठमाण्डौ - काठमाण्डौमा जारी पाँचौँ आरबीबी एनभीए क्लब च्याम्पियनशिपको महिलातर्फको उपाधि एपीएफ क्लबले जितेको छ ।

दशरथ रंगशालाको कर्भडहलमा शुक्रबार भएको फाइनलमा प्रतिद्वन्द्वी न्यु डायमण्ड क्लबलाई तीन एकको सोझो सेटमा पराजित गर्दै एपीएफले उपाधि जितेको हो । गएकाे महिनामा पनि यी दुई टिमबीच न्यु डायमण्ड कपमा प्रतिस्पर्धा हुँदा एपीएफले जितेकाे थियो ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजन रहेको प्रतियोगिताको उपाधि विजेता एपीएफले नगद २ लाख रुपैयाँ पुरस्कार प्राप्त गरेको छ ।

एपीएफले उपाधि जित्दा खेल भने निकै प्रतिस्पर्धात्मक बनेको थियो । पहिलो सेट २५-२३ ले आफ्नो पक्षमा पारेको थियो । दोस्रो सेटमा सुरुदेखि नै प्रतिस्पर्धात्मक भए पनि अन्तिममा एपीएफले कमब्याक गरेको थियो । २ अंकले पछि परेको एपीएफले अन्त्यमा न्यु डायमण्डलाई २१ मा रोक्दै २५-२१ ले जितेको थियो ।

तेस्रो तथा निर्णायक सेट पनि निकै प्रतिस्पर्धात्मक बनेको थियो । न्यु डायमण्डले १२ अंक ल्याउँदा एपीएफले १० अंक जोडेको थियो । न्यु डायमण्डले १९ अंक जोड्दा १६ अंक जोडेको एपीएफले लगातार अंक लिँदै बराबरी गरेको थियो ।

तर न्यु डायमण्ड खेलमा फर्कँदै फेरि तीन अंकको अग्रता लिन सफल भएको थियो । २२-२० ले अगाडि भएका बेला न्यु डायमण्ड तथा नेपालकी स्टार खेलाडी प्रतिभा मालि घाइते हुँदै कोर्ट बाहिर आएकी थिइन् ।

उनको अभाव डायमण्डलाई खड्किएको थियो । तर उक्त सेट प्रतिस्पर्धात्मकरुपमा न्यु डायमण्डले २५-२३ ले जितेको थियो । तर चौथो सेटमा प्रतिभा खेलमा नफर्किए पछि शुरु देखिनै एपीएफले अग्रता बनाएको थियो । अन्तमा २५-१८ ले जित्दै उपाधि जित्न सफल भयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्