रसुवागढी नाका हुँदै कोरोना संक्रमित पर्यटक नेपाल आए चिनियाँ क्वारेन्टाइनले नाकाबाटै फिर्ता पठाउने

माघ ११, २०७६ शनिबार १७:४१:४७ | उज्यालो सहकर्मी

रसुवा - रसुवागढी नाकामा रहेको चिनियाँ क्वारेन्टाइन कार्यालयले कोरोना संक्रमण भएका पर्यटक आए त्यहीँबाट फिर्ता गरिदिने जानकारी दिएको छ ।

परीक्षणका लागि चीनतर्फ आवश्यक जनशक्ति तथा उपकरण रहेको र परीक्षणबाट संक्रमण भएको पुष्टि भएमा पर्यटकलाई त्यहीँबाट फर्काइने छ ।

संक्रमण नभएका चिनियाँ तथा विदेशी पर्यटकलाई मात्र नेपाल पठाउने चिनियाँ क्वारेन्टाइनले जानकारी दिएको स्वास्थ्य कार्यालय रसुवाका प्रमुख किरण श्रेष्ठले बताउनुभयो ।

‘चीनबाट नेपाल आउन लागेका नेपालीलाई संक्रमण भएको भेटियो भने चिनियाँ टोलीलाई नेपाली स्वास्थ्य टोलीलाई जिम्मा दिने छ, उहाँले भन्नु्भयो, ‘चिनियाँ पर्यटकलाई उनीहरूकै अस्पताल पठाउने छ ।’

नाकामा सञ्चालनमा रहेको हेल्थ डेक्सबाट सेवा सुरु गराउनका लागि पुगेको नेपाली स्वास्थ्यकर्मीको टोलीसँग चिनियाँ क्वारेन्टाइनका अधिकारीहरूले शनिबार अनौपचारिक रूपमा छलफल गरेको थियो ।

सेवा सञ्चालनमा ल्याउनका लागि समन्वय तथा निरीक्षणका लागि स्वास्थ्य कार्यालय र जिल्ला अस्पतालको टोली शनिबार रसुवागढी नाका पुगेको थियो । मन्त्रालय तथा विभागबाट कुनै पनि निर्देशन नआएको भएपनि जोखिमलाई मध्यनजर गर्दै जिल्ला स्तरबाटै सेवा सञ्चालनमा ल्याइएको छ ।

चीनमा पछिल्लो समय महामारीको रूपमा फैलिएको कोरोना भाइरस भित्रने जोखिम उच्च भएकाले नाकामा उच्च सतर्कता अपनाउन आवश्यक रहेको जिल्ला अस्पताल रसुवाका मेडिकल सुपरिटेन्डेन्ट अनिल कुमार खरेलले बताउनुभयो ।

जिल्ला सुरक्षा समितिको बुधबार बसेको बैठकले नाकाबाट पर्यटकको आवागमन बढ्दै गएको र कोरोना भाइरस भित्रने जोखिम बढेको कारण स्वास्थ्य परीक्षण गर्नुपर्ने निर्णय गरेको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्