थप कसैमा पनि कोरोना भाइरसको संक्रमण पुष्टि भएको छैन : स्वास्थ्य मन्त्रालय

माघ १३, २०७६ सोमबार १९:५०:१६ | उज्यालो सहकर्मी

काठमाण्डौ - स्वास्थ्य तथा जनसंख्या मन्त्रालयले नेपालमा थप कसैमा पनि कोरोना भाइरस नभेटिएको स्पष्ट पारेको छ ।

शुक्रबार एक जनामा भेटिएको पुष्टि भए पनि त्यसपछि अहिलेसम्म कुनै पनि व्यक्तिमा त्यस्तो संक्रमण नभेटिएको मन्त्रालयको इपिडिमियोलोजि तथा रोग नियन्त्रण महाशाखाका निर्देशक डा.विवेक लालले जानकारी दिनुभयो ।

सोमबार दिउँसो सञ्चारमाध्यममा थप एक जनामा पनि कोरोना भाइरस भेटिएको भनेर समाचार आएपछि मन्त्रालयले विज्ञप्ति जारी गर्दै थप कुनै पनि मानिसमा यसको संक्रमण नदेखिएको स्पष्ट पारेको हो ।

मन्त्रालयले जारी गरेको विज्ञप्तिमा माघ १३ गतेसम्म प्रयोगशालामा परीक्षण गराएका कुनै पनि व्यक्तिमा नोवेल कोरोना भाइरसको संक्रमण पुष्टि नभएको उल्लेख छ ।

मन्त्रालयले कसैलाई पनि संक्रमण नभएकाे भनेर विज्ञप्ति निकालेरै दावी गरे पनि परीक्षणका लागि पठाएकाे दुवै जनाकाे रिपाेर्ट भने सार्वजनिक गरेकाे छैन । टेकु अस्पताल स्राेतका अनुसार हङकङ पठाइएकाे रगतकाे नमूनाकाे परीक्षण रिपाेर्ट आइसकेकाे छ ।

एक जनामा संक्रमण देखिएकाे भन्ने रिपाेर्ट आएकाे भए पनि मन्त्रालयले भने सार्वजनिक नगरी उल्टै थप कसैलाई पनि नभेटिएकाे भनेर विज्ञप्ति निकालेकाे प्रति अस्पतालले अनभिज्ञता जनाएकाे छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्