प्रधानमन्त्रीले भन्नुभयो - प्राकृतिक धक्का, देउवाले नबुझेर सोध्नुभयो - कहाँबाट आउँदैछ धक्का !

माघ १४, २०७६ मंगलबार १७:६:३९ | उज्यालो सहकर्मी

काठमाण्डौ - मंगलबार प्रतिनिधि सभाको बैठकमा प्रधानमन्त्री केपी शर्मा ओली, कांग्रेस सभापति शेरबहादुर देउवा लगायतका नेताहरुले समसामयिक विषयमा भाषण गरे । प्रधानमन्त्री सहित सबैको भाषण प्रष्टै बुझिने खालको थियो । तर प्रधानमन्त्रीले बोलेको धक्का सम्बन्धी प्रसँगलाई देउवाले राम्रोसँग बुझ्न सक्नुभएन । त्यसैले उहाँले यसलाई अर्कै प्रसँगमा व्याख्या गरेर प्रधानमन्त्रीसँग प्रश्न गर्नुभएको छ ।

प्रधानमन्त्रीले नेपाल भ्रमण वर्ष सुरु भएको बेला प्राकृतिक धक्काहरु देखिन थालेको छ भन्दा देउवाले धक्का मात्रै सुनेर कहाँबाट आउँदैछ धक्का भन्दै प्रश्न गर्नुभयो ।

देउवाभन्दा अगाडि बोल्ने प्रधानमन्त्रीले भन्नुभएको थियो, 'नयाँ वर्ष २०२० लाई हामीले नेपाल भ्रमण वर्षको रुपमा अगाडि सारेका छौं । सुरुमै केही धक्काका संकेतहरु प्राकृतिक हिसाबले देखा परेका छन् । यसलाई हामीले सावधानीपूर्वक समाना गर्नुपर्नेछ । सरकार त्यसको तयारीमा लागेको छ ।'

प्रधानमन्त्रीले कोरोना भाइरसको संक्रमणतर्फ लक्षित गर्दै पर्यटन वर्षमा यस्ता प्राकृतिक धक्काले असर गर्न खोजे पनि सरकार सामना गर्न तयार छ भन्नुभएको थियो ।

तर त्यसपछि प्रतिनिधि सभामा बोल्ने क्रममा देउवाले धक्का शब्दलाई लिएर प्रधानमन्त्रीसँग प्रश्न गर्नुभयो । उहाँले भन्नुभयो, 'प्रधानमन्त्रीले धक्का आउँदैछ रे भन्नुभयो । के धक्का हो यो ? कहाँबाट आउँदैछ ? कसले धक्का दिने वाला छ, हामीले पनि थाहा पाउनु पर्‍यो । सहयोग गर्न तयार छौं ।'

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Prasanta
Jan. 29, 2020, 5:17 a.m.
बिचारा प्रमुख प्रतिपक्षी नेता, के भनुम र खोइ ?? कमेन्ट गर्न पनि सरम लाग्छ, अनि माननीय चैँ के बुझेर टेबुल ठटाएका होलान ??
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्रीले भन्नुभयो - प्राकृतिक धक्का, देउवाले नबुझेर सोध्नुभयो - कहाँबाट आउँदैछ धक्का !

1 Comments

Prasanta

तपाईको प्रतिक्रिया

तपाईको प्रतिक्रिया