'रुघाखाेकी लाग्ने बित्तिकै आत्तिएर अस्पताल पुग्नु पर्दैन, याे माैसमी रुघाखाेकी लाग्ने समय पनि हाे'

माघ १५, २०७६ बुधबार १०:५१:४२ | उज्यालो सहकर्मी

काठमाण्डाै – रुघाखोकी लाग्ने बित्तिकै कोरोना भाइरसको शङ्का नगर्न सरकारले आग्रह गरेको छ ।

शुक्रराज ट्रपिकल तथा सरुवा रोग अस्पतालका डाक्टर अनुप बास्तोलाले अहिले मौसमी रुघाखोकी लाग्ने समय नै भएकाले रुघाखोकी लाग्ने बित्तिकै कोरोना भाइरसको शङ्का नगर्न आग्रह गर्नुभयो ।

चीनको वुहान शहरमा पहिलो पटक कोरोना भाइरसको सङ्क्रमण देखिएकाले वुहानबाट आएका नागरिकमा कोरोना भाइरसको जोखिम हुने भए पनि अहिलेसम्म नेपाल आएका एक जनामा मात्र कोरोना पुष्टि भएकाले आत्तिनुपर्ने अवस्था नभएको उहाँले बताउनु भयाे ।

भाइरस पुष्टि भएका व्यक्ति र उनको परिवार अहिले सुरक्षित रहेकाले नेपालमा फैलने सम्भावना नरहेको पनि उहाँले दाबी गर्नुभयो । सुरुमा रुघाखोकी लाग्नु, उच्च ज्वरो आउनु र बिस्तारै श्वासप्रश्वासमा समस्या आउनु कोरोनाको लक्षण भएकाले मौसमी रुघाखोकी लागेका बिरामी आत्तिएर अस्पताल पुग्ने गरेको टेकु अस्पतालले जनाएको छ ।

कोरोनाको परीक्षण गराउनुअघि मौसमी रुघाखोकीकै जाँच गराउन पनि डाक्टर बास्तोलाको सुझाव छ । रुघाखोकीबाट बच्न बाहिर गएर आएपछि राम्ररी साबुनपानीले हात धुने, हाच्छ्युँ गर्दा रुमाल वा कपडाले मुख छाेप्नु, तातो झोलिलो खानेकुरा खान सकिने पनि डाक्टरले बताएका छन् ।

यसैबीच सरकारले अब कोरोनाकोे उद्गमस्थल वुहानबाट आएका नागरिकको मात्रै कोरोना भाइरस परीक्षण गर्ने निर्णय गरेको छ । मौसमी फ्लुको समय भए पनि जो कोही परीक्षणको लागि अस्पताल पुगेपछि सरकारले वुहानबाट आएका नागरिक, उनका परिवार र उपचारमा संलग्न डाक्टरमा लक्षण देखिए उनीहरुकाे मात्रै परीक्षण गर्ने निर्णय गरेको हो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्