व्यापार घाटा सुधारतर्फ : निर्यात २६ प्रतिशतले बढ्यो, आयात ४ प्रतिशतले घट्यो

माघ १८, २०७६ शनिबार ११:२८:५२ | उज्यालो सहकर्मी

काठमाण्डौ - चालु आर्थिक वर्षको पहिलो ६ महिनामा व्यापार घाटा सुधारतर्फ गैरहेको देखिएको छ । भन्सार विभागले निकालेको तथ्याङ्क अनुसार साउनदेखि पुस महिनासम्म ६ खर्ब ९४ अर्ब रुपैयाँको सामान आयात भएको छ ।

यो अघिल्लो आर्थिक वर्षको ६ महिनाको तुलनामा ४ दशमलव ०४ अङ्कले कमी हो । अघिल्लो आर्थिक वर्षको ६ महिनामा ७ खर्ब २३ अर्ब रुपैयाँको सामान आयात भएको थियो ।

निर्यात व्यापार भने गएको आर्थिक वर्षको पहिलो ६ महिनाको तुलनामा २६ दशमलव १३ प्रतिशतले बढेको छ । साउनदेखि पुससम्म नेपालले ५७ अर्ब २७ करोड रुपैयाँ बराबरको सामान निर्यात गरेको छ । अघिल्लो आर्थिक वर्षको पहिलो ६ महिनामा नेपालले ४५ अर्ब ४१ करोड रुपैयाँको सामान निर्यात गरेको थियो ।

आयात घट्दा र निर्यात बढ्दा व्यापार घाटामा पनि केही सुधार भएको छ । ६ महिनामा व्यापार घाटा ६ दशमलव ०६ प्रतिशतले घटेर ६ खर्ब ३७ अर्ब ४१ करोड रुपैयाँ कायम भएको छ ।

६ महिनामा देशको समग्र व्यापार पनि २ दशमलव २६ प्रतिशतले घटेर ७ खर्ब ५१ अर्ब ५७ करोड रुपैयाँमा झरेको छ । कुल वैदेशिक व्यापारमा आयातको हिस्सा ९२ प्रतिशत र निर्यातको झण्डै ८ प्रतिशत रहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्