चीनमा रहेका नेपालीहरुको स्वास्थ्य परीक्षण गरेर मात्रै स्वदेश ल्याइने

माघ २०, २०७६ सोमबार १८:१६:५ | उज्यालो सहकर्मी

काठमाण्डाै – चीनमा रहेका नेपालीहरुको स्वास्थ्य परीक्षण गरेर मात्रै स्वदेश ल्याउने तयारी भएको छ ।

स्वास्थ्य तथा जनसङ्ख्या मन्त्रालयले नेपाल फर्किनका लागि आइतबार बिहानसम्म एक सय ८० जनाले फारम भरेको र उनीहरु सबैको स्वास्थ्य परीक्षण गरी स्वदेश ल्याइने जनाएको छ ।

मन्त्रालयका प्रवक्ता महेन्द्रप्रसाद श्रेष्ठले फारम भरेका सबैको स्वास्थ्य परीक्षण हुने बताउनु भयो । परीक्षणका क्रममा सङ्क्रमण देखिएकाहरुलाई चीनमै राखेर उपचार गरिने उहाँले जनकारी दिनुभयो । ‘त्यहाँ पनि सबैको स्वास्थ्य जाँच हुन्छ । यदि पोजेटिभ देखियो भने चीनले पठाउँदैन, त्यहीँ उपचार हुन्छ । बाँकी अन्यलाई फिर्ता गरिन्छ’, उहाँले भन्नुभयो ।

अहिलेसम्म सबै सुरक्षित रहेको पनि प्रवक्ता श्रेष्ठले प्रस्ट पार्नु भएको छ । नेपाल फर्काइएपछि उनीहरुलाई क्वारेन्टाइनमा राखिने स्वास्थ्य मन्त्रालयले जनाएकाे छ । ‘क्वारेन्टाइनमा स्वस्थ मान्छेलाई राखिन्छ । उहाँहरु सबै स्वस्थ हुनुहुन्छ । आइसोलेसनमा हो संक्रमितमा राख्ने’, श्रेष्ठले भन्नुभयो ।

मन्त्रालयले उनीहरुलाई राख्ने ठाउँको पहिचान भैरहेको जनाएको छ । मङ्गलबार बेलुकीसम्म ठाउँ यकिन हुने प्रवक्ता श्रेष्ठले बताउनु भयो । मन्त्रालयले तीन तहमा समिति बनाएर अध्ययन गरिरहेको बताउँदै उहाँले फर्काइएका नेपालीलाई दुई हप्तासम्म क्वारेन्टाइनमा राखिने जानकारी दिनुभयाे ।

यसअघि वुहानबाट फर्किका एक जनामा सङ्क्रमण देखिएको थियो ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्