उचित समयमा संविधान संशोधन हुन्छ : नेकपा अध्यक्ष दाहाल

माघ २३, २०७६ बिहीबार १९:३९:२४ | उज्यालो सहकर्मी

सिरहा - नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ ले हिमाल, पहाड, तराई–मधेश सबैलाई एकताको सुत्रमा जोड्ने जिम्मेवारी आफ्नो काँधमा आएको बताउनुभएकाे छ।

सिरहाको सखुवानन्कारकट्टी गाउँपालिकामा बिहीबारदेखि सुरु भएको दोश्रो झण्डा मेला महोत्सव २०७६ को उद्घाटन गर्दै अध्यक्ष यस्ताे बताउनुभएकाे हाे।

तराइ-मधेश, हिमाल र पहाडका ऐतिहासिक, सांस्कृति कुराहरु बुझेर देशलाई एकताको सुत्रमा बाँध्नका लागि आफूले पुलको भूमिका निर्वाह गर्ने प्रतिबद्धता व्यक्त गर्नुभयाे ।

सम्बाेधनकै क्रममा मधेशका असन्तुष्ट दलहरुप्रति लक्षित गर्दै अधिकार र पहिचान कायम गर्न लागि आफू समर्पित रहेको बताउँदै उहाँले भन्नुभयाे, ‘हामी सम्पूर्ण जनताको अधिकार आवश्यक समयमा संविधान संशाेधन गरेरै भए पनि पूरा गर्नेछौँ’, उचित समयमा संविधानपनि संशोधन हुन्छ ।’

मधेशको विकासबिना मधेशी जनताको आवश्यकतालाई सम्बोधन गर्न सकिन्न भन्ने कुरामा आफू र आफ्नो पार्टीले बुझेको उहाँले बताउनुभयाे ।

सम्बाेधनकै क्रममा अध्यक्ष दहालले सिरहा आफ्नो माईतीघर भएको भन्दै ‘छोरीलाई माइती आउँदा जस्तो अनुभव हुन्छ, आफूलाई पनि सिरहा आउँदै त्यस्तै महसुस हुन्छ’ भन्ने वाक्य छुटाउनुभएन ।

उहाँले मधेशको नाममा खुलेका दल कोही सरकारबाट फर्किने र कोही पस्ने गर्दा मधेशवासीले अधिकार नपाउने भन्दै अधिकार प्राप्तिका लागि सम्पूर्ण मधेशमात्र नभइ पहाडियाहरुसँग पनि सहकार्य गर्नु जरुरी रहेकाे बताउनुभयाे ।

‘कला संस्कृति हामो स्वाभिमान, समृद्ध सखुवानन्कारकट्टी हामो पहिचान’ भन्ने मूल नाराका साथ सुरु भएको झण्डा मेला महोत्सव फागुन ३ गतेसम्म चल्ने आयोजकले जनाएको छ ।

महोत्सवमा एकसय वटा विभिन्न स्टल रहेका छन् । महोत्सवमा सूर्य चन्द्रअङ्कित नेपालको राष्ट्रिय झण्डालाई अन्तर्राष्ट्रिय स्तरमा चिनाउन झण्डा महोत्सव नामाकरण गरिएको हाे ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्