चीनबाट फर्किने विद्यार्थीको निगरानीका लागि ६० जना स्वास्थ्यकर्मी खटाइने

माघ २७, २०७६ सोमबार १५:०:४२ | उज्यालो सहकर्मी

काठमाण्डौ - स्वास्थ्य तथा जनसङ्ख्या मन्त्रालयले चीनबाट फर्काइने नेपालीहरुको निगरानीका लागि ६० जनाभन्दा बढी स्वास्थ्यकर्मी खटाउने भएको छ ।

चीनको वुहानमा रहेका एक सय ८० जना विद्यार्थीलाई नेपाल फर्काउने तयारी गरिरहेको मन्त्रालयले उनीहरुको स्वास्थ्यको निगरानीका लागि क्वारेन्टाइनमा स्वास्थ्यकर्मी खटाउने भएको हो ।

स्वास्थ्य मन्त्रालयका सह-प्रवक्ता सागर दाहालले मेडिकल अफिसर, स्टाफ नर्स, हेल्थ असिस्टेन्ट, पारामेडिक्स लगायतका ६० जनाभन्दा बढी स्वास्थ्यकर्मी खटिने जानकारी दिनुभएको हो ।

स्वास्थ्यकर्मीहरुलाई सोमबार दिउँदो २ बजे इपिडिमियाेलाेजी तथा रोग नियन्त्रण महाशाखा टेकुमा आयोजना हुने तालिममा प्रशिक्षण दिइने उहाँले बताउनुभयो ।स्वास्थ्यकर्मीलाई क्वारेन्टाइनमा काम गर्ने तरिका, शङ्कास्पद देखिएको अवस्थामा के गर्ने भन्नेबारे सिकाइने उहाँले जानकारी दिनुभयो ।

सरकारले चीनबाट फर्किएका विद्यार्थीहरुलाई भक्तपुरको खरीपाटीमा क्वारेण्टाइनमा राख्ने तयारी गरिरहेको छ । तर चीनको वुहानमा रहेका नेपालीलाई कहिलेसम्म स्वदेश फर्काउने भन्नेबारे यकिन मिति तोकिएको छैन ।

सरकारले उनीहरुलाई ल्याएर राख्ने ठाउँको टुङ्गो लगाए पनि ती ठाउँमा राख्न केही प्राविधिक तयारी गर्न बाँकी रहेकाले अझै समय लाग्ने स्वास्थ्य मन्त्रालयले जनाएको हो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्