फ्रेण्ड्समाथि एपीएफकाे सानदार जित, आशिष सर्वाधिक गाेलकर्ताकाे शीर्ष स्थानमा

माघ २७, २०७६ सोमबार १७:३५:४ | उज्यालो सहकर्मी

काठमाण्डाै – शहीद स्मारक ए डिभिजन लिगअन्तर्गत एपीएफले फ्रेण्ड्स क्लबलाई पाँच–दुई गाेल अन्तरले हराएकाे छ ।

सातदोबाटोकाे एन्फा कम्प्लेक्स मैदानमा भएको खेलमा एपीएफलाई जित दिलाउनका लागि आशिष लामा र प्रविण स्याङ्तानले दुई गाेल र प्रविण स्याङ्तानले एक गोल गरे ।

खेलकाे १२औँ मिनेटमा लामाले गोल गर्दै एपीएफलाई अग्रता दिलाएका थिए । ४०औँ मिनेटमा आशिषले एपीएफको अग्रता दोब्बर बनाए । पहिलो हाफमा दुई गोलको अग्रता लिएको एपीएफले दोस्रो हाफमा तीन गोल गर्‍यो भने फ्रेण्ड्सले पनि दुई गोल फर्कायो ।

६८औँ मिनेटमा फिलिपे डिले गोल गर्दै एपीएफको अग्रता दुई–एकमा झारे । ७१औँ मिनेटमा प्रविण स्याङ्तानले गोल गरेपछि एपीएफले अग्रता तीन–एकमा लम्ब्याए । ७५औँ मिनेटमा विश्व अधिकारीले फ्रेण्ड्सका लागि गोल गरे ।

इन्ज्युरी समयमा एपीएफले दुई गोल गरे । इन्ज्युरी समयको चौथो मिनेटमा टोपबहादुर विष्टले र छैटौँ मिनेटमा प्रविण स्याङ्तानले गोल गरेपछि एपीएफले पाँच–दुईको जित निकाल्यो । जितसँगै एपीएफले आठ अङ्क बनाएको छ, फ्रेण्ड्स भने १४ अङ्कसहित नवौँ स्थानमा छ ।

याे खेलमा दुई गाेल गरेका एपीएफका आशिष ए डिभिजन लिगमा सर्वाधिक गाेलकर्ताकाे शीर्ष स्थनमा उक्लिएका छन् । उनले जारी लिगमा आठ गाेल गरेका छन् । दाेस्राे स्थानमा च्यासलका सन्ताेष साहुखल रहेका छन् । साहुखलले ७ गाेल गरेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्