सिन्धुपाल्चोकको गुम्बागाउँमा फैलिएको सामान्य रुघाखोकी हो : स्वास्थ्य मन्त्रालय

माघ २९, २०७६ बुधबार १८:३२:५० | उज्यालो सहकर्मी

काठमाण्डाै - स्वास्थ्य तथा जनसंख्या मन्त्रालयले सिन्धुपाल्चोकको जुगल गाउँपालिका गुम्बागाउँमा फैलिएको संक्रमण मौसमी फ्लु भएको जनाएको छ ।

गुम्बागाउँमा अहिलेसम्म २ सय जनाजति संक्रमित भएका र उनीहरुमा सामान्य रुघाखोकी तथा ज्वरोको समस्या रहेको स्वास्थ्य मन्त्रालयका प्रवक्ता महेन्द्रप्रसाद श्रेष्ठले उज्यालोलाई जानकारी दिनुभयो । गएको २३ गतेदेखि अहिलेसम्म संक्रमण देखिएको तर गम्भीर तथा अस्पताल राख्नुपर्ने अनि ज्यानै जानेगरी भयावह अवस्था नआएको उहाँको भनाइ छ ।

गुम्बागाउँका बिरामीमा पनि हुम्ला र बाजुरामा देखिएको जस्तै रुघाखोकी, सामान्य ज्वरो र बान्ता हुने लक्षणहरु देखिएका छन् । ‘हुम्ला र बाजुरामा स्वास्थ्यटोली पठाएर संक्रमण नियन्त्रणमा आइसक्यो’, श्रेष्ठले भन्नुभयो, ‘मौसमी फ्लुबाट डेढ महिनामा हुम्लामा ५ जना र बाजुरामा २ जना गरी ७ जनाको ज्यान गएको छ ।’

स्वास्थ्य मन्त्रालयका प्रवक्ता श्रेष्ठका अनुसार हिमाली जिल्लाहरुमा सधैजसो हुने संक्रमण रुघाखोकी, ज्वरो बढी फैलिएको छ । जुगल गाउँपालिकाले कोरोनासँग मिल्दोजुल्दो भनेर गलत जानकारी दिँदा समस्या भएको तर यो मौसमी फ्लु नै रहेको उहाँको बताउनुभयो ।

‘अहिले देशैभर रुघाखोकीको प्रकोप छ, मुख्यगरी उच्च हिमाली जिल्लामा बढी समस्या छ,‘ उहाँले भन्नुभयो, ‘काठमाण्डौमा पनि रुघाखोकीका बिरामी छन् तर आत्तिनुपर्ने अवस्था छैन ।’

मौसमी फ्लु प्रभावित क्षेत्रमा स्वास्थ्यकर्मी सहितको टोली खटाएर आवश्यक उपचार थालेको पनि मन्त्रालयले जनाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्