लिम्पियाधुरा, लिपुलेक र कालापानी नेपालका हुन्, नेपालले छोड्दैन : प्रधानमन्त्री ओली

फागुन ३, २०७६ शनिबार १३:५:२७ | उज्यालो सहकर्मी

काठमाण्डाै - प्रधानमन्त्री केपी शर्मा ओलीले नेपालले नेपालको भूमि नछोड्ने बताउनुभएको छ ।

प्रतिनिधिसभाको बैठकमा साँसदका प्रश्नको जवाफ दिँदै उहाँले विवाद भएका कालीनदीको मुहान, लिम्पियाधुरा, लिपुलेक र कालापानीका क्षेत्र तथ्य र प्रमाणले नेपालको क्षेत्र रहेको पुष्टि गरेको बताउँदै नेपालले आफ्नो क्षेत्र नछोड्ने बताउनुभयो । यसका लागि कुटनीतिक प्रयास र पहल भइरहेको प्रधानमन्त्री ओलीको भनाइ छ ।

उहाँले भारतसँगको वार्ताको पहल भइरहेको तर अहिले मिति नै तोक्न नसकिने बताउनुभयो । उहाँले दुई देशबीच सार्वभौम समानताका आधारमा वार्ता गर्ने प्रश्नमा सरकार स्पष्ट रहेको तथा राष्ट्रियता, सार्वभौमसत्ता स्वाधीनता, भौगोलिक अखण्डता र राष्ट्रिय हितका विषयमा सरकारले कुनै अनुचित सम्झौता नगर्ने प्रतिबद्धता पनि व्यक्त गर्नुभयो ।

सरकार अतिक्रमित भूभाग नै फिर्ता ल्याउने अभियानमा रहेकाले नक्सा सार्वजनिक गर्ने कुरा ठूलो नभएको प्रधानमन्त्री ओलीको भनाइ छ । उहाँले सीमा क्षेत्रमा बीओपाी स्थापना गर्ने काम भइरहेको पनि जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्