एमसीसी सम्झौता संसदमा पेश भएलगत्तै पारित हुन्छ : प्रधानमन्त्री ओली

फागुन ३, २०७६ शनिबार १३:५७:५८ | उज्यालो सहकर्मी

काठमाण्डौ - प्रधानमन्त्री केपी शर्मा ओलीले मिलेनियम च्यालेन्ज कर्पोरेसन (एमसीसी) कम्प्याक्ट परियोजनाबारे सम्झौता सभामुखले संसदमा पेश गर्नासाथ पारित हुने दावी गर्नुभएको छ ।

प्रतिनिधिसभाको बैठकमा नेपाली कांग्रेसका सांसद ज्ञानेन्द्रबहादुर कार्कीले सोधेको प्रश्नको जवाफ दिँदै उहाँले एमसीसी सम्बन्धित प्रस्ताव संसदमा रहेको र सभामुखले संसदमा निर्णयार्थ पेश गर्नासाथ पारित हुने दाबी गर्नुभएको हो ।

एमसीसी पारित गर्ने कि नगर्ने भन्नेबारेमा सत्तारुढ नेकपाभित्रै विवाद रहेका बेला प्रधानमन्त्री ओलीले सभामुखले संसदमा पेश गर्नासाथ त्यो पारित हुने दावी गर्नुभएको हो ।

एमसीसीका बारेमा नेकपाका वरिष्ठ नेता झलनाथ खनालको संयोजकत्वमा तीन सदस्यीय समितिले अध्ययन गरिरहेको छ । प्रतिनिधिसभामा प्रधानमन्त्री ओलीले एमसीसीमार्फत हुने सहयोगले नेपाली अर्थतन्त्रको तस्बिर नै फेरिने दावी पनि गर्नुभएको छ ।

आउँदाे ५ वर्षभित्र एमसीसी परियोजना पूरा भइसक्दा नेपालको अर्थतन्त्र, वैदेशिक व्यापार, भुक्तानी सन्तुलन र ऊर्जा उपयोगको तस्बिर बदलिने निश्चित रहेको उहाँको दावी थियो ।

एमसीसी कम्प्याक्ट अन्तर्गत अमेरिकाले दिने र नेपाल सरकारले खर्च गर्ने रकबाट निर्माण हुने प्रसारण लाइन लगायतका कामबाट देशको अर्थतन्त्र नै बदलिने उहाँकाे भनाइ थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्