कोरोनाका कारण एसियाली क्षेत्रका मुख्य खेलकुद प्रतिस्पर्धा प्रभावित : टोकियो ओलम्पिक पनि सर्न सक्ने

फागुन ७, २०७६ बुधबार १५:८:३५ | उज्यालो सहकर्मी

काठमाण्डाै - पछिल्लो समय विश्वमा महामारीका रुपमा देखिएको कोरोना भाइरसले क्षेत्रलाई पनि प्रभाव पारेकाे छ ।

अहिलेसम्म कुनै पनि खेलाडी वा खेल पदाधिकारीलाई यसकाे संक्रमणको भएकाे औपचारिक जानकारी नआए पनि घरेलु तथा अन्तर्राष्ट्रिय प्रतियोगिता भने प्रभावित भएको छ ।

यसका कारण नेपालमै हुने भनिएको फोर नेशन्स कप फुटबल प्रतियोगिता स्थागित भएको छ । मदन भण्डारी स्पोर्टस एकेडेमीको आयोजना हुने भनिएको प्रतियोगिता फागुन १५ गते हुने तय थियो । तर,सहभागी राष्ट्रहरु अफगानिस्तान, पाकिस्तान र माैरिससले सम्भावित खतरालाई मध्यनजर गर्दै सहभागिता जनाउन नसक्ने बताएपछि प्रतियोगिता अनिश्चितकालका लागि स्थगित भएको छ ।

यसको प्रभाव क्रिकेटमा पनि देखिएकाे छ । आउँदो १७ गतेदेखि थाइल्याण्डमा आयोजना हुने एसीसी इस्टर्न रिजन ट्वेन्टी–ट्वेन्टी प्रतियोगिताबाट चीन, म्यानमार र भुटानले सहभागिता फिर्ता लिएका छन् । चीनले कोरोना भाइरसका कारण सहभागिता फिर्ता लिएको स्पष्ट पारिसकेको छ । जसका कारण प्रतियोगितामा नेपाल र आयोजकसहित पाँच टिमकोमात्र प्रतिष्पर्धा रहने भएको छ ।

चीनमा खेलाडीले सहभागिता जनाउन अस्वीकार गरेपछि टोकियो ओलम्पिकको छनोटसमेत प्रभावित भएको छ । यस्तै टोकियो ओलम्पिकका लागि महिला छनोट प्रतियोगिता पनि अष्ट्रेलियाको सिड्नीमा सारिएको छ ।

वुहानका कुनै पनि खेलाडीलाई टिममा समावेश गरिएको छैन । चीनमा खेलकुदका अन्य गतिविधिहरु पनि प्रभावित भएका छन् । चाइनिज सुपर कप, एएफसी च्याम्पियन्स लिग स्थगित भएका छन् । चाइनिज सरकारले अप्रिलअघि हुने सबै प्रतियोगिताहरु स्थगित गर्नका लागि सुचना जारी गरिसकेको छ ।

चीनमा हुने फर्मुला वानको मुख्य इभेन्ट चाइनिज ग्राँ प्रि पनि स्थगित गरिएको छ ।

यसको प्रभाव चीनमा मात्र नभइ जापानमा पनि देखिएको छ । टोकियो म्याराथन प्रभावित हुने भएको छ । यसअघि करिब ३८ हजार धावक धाविकाको सहभागिता रहने अपेक्षा गरिएको टोकियो म्याराथनमा अब व्यावसायिक खेलाडीलाई मात्र सहभागिता गराउन लागिएको छ ।

टोकियोमा पाँच महिनापछि ओलम्पिक आयोजना हुँदैछ । संक्रमण नरोकिए कोरोना भाइरसका कारण ओलम्पिक पनि स्थगित हुन सक्ने बताइएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्