खोटाङकाे ककनी डाँडामा ‘रक गार्डेन’ बनाइँदै

फागुन ११, २०७६ आइतबार १६:४९:१६ | उज्यालो सहकर्मी

खोटाङ – हलेसी तुवाचुङ नगरपालिकाले चट्टानै चट्टानले ढाकिएको ककनी डाँडालाई ‘रक गार्डेन’ का रुपमा विकास गर्ने तयारी थालेको छ ।

हलेसी नजिकै रहेको ककनी डाँडालाई पर्यटकीय क्षेत्रका रुपमा विकास गर्नका लागि नगरपालिकाले ढुङ्गे बगैँचा निर्माणको तयारी थालेको हो । विभिन्न आकृतिका ढुङ्गैढुङ्गाले ढाकिएको डाँडालाई रक गार्डेन का रुपमा विकास गर्न (विस्तृत परियोजना प्रतिवेदन) डीपीआरको काम अन्तिम चरणमा पुर्‍याइएको हलेसी तुवाचुङ नगरपालिकाका मेयर इवन राईले बताउनुभयो ।

हलेसी तुवाचुङ नगरपालिका-७ को महादेवस्थानमा पर्ने ककनी डाँडाकाे झण्डै एक सय ६० रोपनी सरकारी जग्गा चट्टानै चट्टानले ढाकिएको छ । त्यसमध्ये ५६ रोपनी जग्गाभित्रका चट्टानलाई समेटेर रक गार्डेन बनाउने लक्ष्य राखिएको छ ।

हलेसीमा आएलगत्तै फर्किने पर्यटकलाई घुमफिर गराउने र उनीहरुकाे बसाइ केही लम्ब्याउने उद्देश्यले ककनी डाँडामा रक गार्डेनको परिकल्पना गरिएको हो ।
रक गार्डेन बनाउनका लागि डाँडामा रहेका कुनै पनि ढुङ्गालाई नबिगारी/नचलाइ सजावटका काम गरिने तयारी गरिएको मेयर राईले बताउनुभयो ।

ककनीडाँडा विशेषगरी उत्तरतर्फका हिमश्रृङ्खला र वरपरका दृश्यावलोकनका लागि चर्चित छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्