मलाई विश्वास छ, प्रधानमन्त्रीले सचिवालय बैठककाे निर्णय मान्नुहुन्छ : प्रचण्ड

फागुन १६, २०७६ शुक्रबार १४:३०:१९ | उज्यालो सहकर्मी

काठमाण्डाै – नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले सचिवालय बैठकमा भएको निर्णयको प्रधानमन्त्रीले अवज्ञा नगर्ने विश्वास व्यक्त गर्नुभएको छ ।

शुक्रबार चितवन पुग्नुभएका प्रचण्डले दुई जना अक्ष्यक्ष र सचिवालय बैठकले सर्वसम्मत गरेकाे निर्णयलाई प्रधानमन्त्रीले अवज्ञा नगर्ने विश्वास व्यक्त गर्नुभयो । उहाँले भन्नुभयो, ‘दुवैको अध्यक्षतामा बसेको सचिवालयले सर्वसम्मत गरेको निर्णय प्रधानमन्त्रीले अवज्ञा गर्नुहुन्छ भन्ने म कल्पना गर्न पनि सक्दिन, प्रधानमन्त्रीजीले मान्नैपर्छ, उहाँले मान्नुहुन्छ । मैले यति बुझेको हो । मान्नु भएन भनेपछि के हुन्छ भन्नेतर्फ अहिले म जान चाहन्न । एक/दुई दिनमा तपाईँहरुले थाहा पाइहाल्नु हुन्छ ।’

पार्टी उपाध्यक्ष वामदेव गौतमलाई राष्ट्रिय सभामा लैजाने निर्णय भए पनि तत्काल संविधान संशोधनको प्रक्रया अगाडि नबढ्ने दाहालले बताउनुभयो । उहाँले भन्नुभयो, ‘संविधान संशोधन आफ्नो प्रक्रियामा हुँदै जाने कुरा हो । उहाँ (गौतम) राष्ट्रिय सभामा अहिले नै जाने भनेर निर्णय गरिएको हो ।’

सचिवालय बैठकमा सदस्य थप्ने विषयमा कुनै निर्णय नभएको र अहिले त्यो सम्भव नरहेको अध्यक्ष दाहालकाे भनाइ छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मलाई विश्वास छ, प्रधानमन्त्रीले सचिवालय बैठककाे निर्णय मान्नुहुन्छ : प्रचण्ड

फाइल फाेटाे

तपाईको प्रतिक्रिया