मौरिससमा कामदार पठाउन नेपालले भर्ना प्रक्रिया मर्यादित बनाउनुपर्ने

फागुन १७, २०७६ शनिबार १८:३५:१६ | उज्यालो सहकर्मी

काठमाण्डौ – अफ्रिकी देश मौरिससले नेपालबाट कामदार पठाउँदा मर्यादित भर्ना प्रक्रिया अपनाउनुपर्नेमा जोड दिएको छ ।

नेपाल र मौरिससबीच गएको वर्षको जुन महिनामा सम्पन्न श्रम समझदारीको पाटो टुङ्ग्याउन श्रम, रोजगार तथा सामाजिक सुरक्षा मन्त्री रामेश्वर राय यादवसहितको टोली गएको मंगलबार मौरिसस गएको हो ।

शनिबार मौरिससमा रोजगारदाताहरुको संगठनका प्रमुख तथा प्रतिनिधिहरुसँग छलफलका क्रममा मौरिसस पक्षले नेपालबाट कामदार पठाउँदा मर्यादित भर्ना प्रक्रिया अपनाउन जोड दिएको दक्षिण अफ्रिकाको प्रिटोरियामा रहेको नेपाली दूतावासले जनाएको छ ।

मौरिसिससँग श्रम समझदारी भएको ८ महिना बितिसक्दा पनि दुई देशको संयुक्त कार्य दलको बैठक बस्न नसकेको कारण कार्यान्वयनको पाटो टुङ्गो लाग्न सकेको थिएन ।

त्यहाँका श्रम, मानव श्रोत विकास तथा तालिम मन्त्री सुदेश सत्कम कालीचरणले श्रम समझदारी कार्यान्वयनको पाटो टुङ्ग्याउन मन्त्री यादवलाई पत्राचार गरेपछि नेपाली टोली मौरिसस पुगेको हो ।

मौरिससका श्रम मन्त्री कालीचरणसँगको भेटवार्तामा श्रम समझदारीको प्रभावकारी कार्यान्वयनका लागि दुवै पक्षबाट निरन्तर सहकार्य गर्दै जाने बारेमा शुक्रबार छलफल भयो । त्यसपछि द्विपक्षीय समझदारी अनुरुपको संयुक्त कार्य समूहको बैठक बसेर मर्यादित कामदार भर्नासँग सम्बन्धित सबै प्रक्रियाहरुका विषयमा तथा लागतको विषयमा पनि विस्तृत छलफल भयो ।

मन्त्री यादवले माैरिससमा रहेका नेपाली श्रमिकहरुसँग पनि भेटघाट गर्नुभएकाे छ ।

यस्तै, मन्त्री यादवले मौरिससका कृषि, उद्योग तथा खाद्य सुरक्षा मन्त्री महिनकुमार सिरुतनसँग मौरिससको कृषि क्षेत्रमा नेपाली कामदारहरुको रोजगारी सम्भावनाका बारेमा कुराकानी गर्नुभएकोे छ ।

मन्त्री यादवसँगै मन्त्रालयका सचिव विनोद केसी सम्मिलित पाँच सदस्यीय नेपाली टोली संयुक्त कार्य समूहको बैठकमा सहभागी हुन मौसिस भ्रमणमा रहेको छ ।
नेपाली टोली आउँदो सोमबार स्वदेश फर्किने मन्त्री यादवका प्रेस सल्लाहकार विजय यादवले बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्