विश्व मिर्गाैला दिवस : वर्षमा एक पटक स्वास्थ्य परीक्षण गर्न डाक्टरको सुझाव

फागुन २९, २०७६ बिहीबार १४:१३:५२ | उज्यालो सहकर्मी

काठमाण्डौ - विश्व मिर्गौला दिवस विभिन्न सचेतनामूलक कार्यक्रम गरी आज मनाईँदैछ । हरेक वर्ष मार्च महिनाको दोस्रो बिहिबार विश्व मिर्गौला दिवस मनाउने गरिन्छ ।

वर्षमा एक पटक मात्रै भए पनि पिसाब र स्वास्थ्यको जाँच गराए मिर्गौलालाई जोगाउन सकिने डाक्टरले बताएका छन् । यस्तै, मिर्गौलालाई स्वस्थ राख्न, स्वस्थ र सन्तुलित खाना खाने, नियमित व्यायाम गर्ने, कम्तीमा दस हजार पाइला हिँड्न, फलफूल एवं आवश्यक मात्रामा पानी पिउन पर्ने र बेलाबेला जाँच गर्नुपर्ने डाक्टरको सुझाव छ ।

विश्व स्वाथ्य सङ्गठनको तथ्याङ्कअनुसार औसतमा १० प्रतिशत नागरिकलाई मिर्गाैलाको समस्या देखिएको छ । तथ्याङ्कलाई आधार मान्दा नेपालमा ३० लाख जनालाई मिर्गौलाको समस्या रहेको मिर्गाैला विशेषज्ञ डाक्टर ऋषिकुमार काफ्लेले बताउनुभयो ।

मिर्गौलाले पिसाब बनाउनुका साथै रगत शुद्धीकरण गर्ने, शरीरको विषाक्त पदार्थ बाहिर निकाल्न सहयोग पुर्याउँछ । तर मृगौलामा खराबी आउँदा यस्ता प्रक्रियामा समस्या आउछ ।

झण्डै तीन लाख मानिसलाई आफ्नाे मिर्गौला बिग्रेको थाहा नै नहुने मिर्गौला रोग विषेशज्ञले बताएका छन् । आनीबानी र खानपानका साथै जीवनशैली स्वस्थकर नहुँदा मिर्गौला बिग्रनेको संख्या बढेको उनीहरुको भनाइ छ ।

खुट्टा सुन्निने, बिहान उठ्दा आँखाको डिल सुन्निने, पिसाब धमिलो आउने र राति सुतिसकेपछि पनि पटक–पटक पिसाब लाग्नुजस्ता मिर्गौला बिग्रिनुका लक्षणहरु हुन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्