‘यो बेला विदेशबाट पठाएको पैसा बचाऔं’

चैत ६, २०७६ बिहीबार १६:३१:३१ | उज्यालो सहकर्मी

खाडीका ६ देश र मलेसियामा गरी बिहीबार दिउँसोसम्म २१ सय ४६ जनामा कोरोनाको संक्रमण भएको छ । खाडीका देश र मलेसियामा कोरोनाको संक्रमितको संख्या बढ्दै जाँदा त्यहाँ कार्यरत नेपाली श्रमिकको मनमा डर पनि बढ्दो छ । वैदेशिक रोजगारीमा गएका र उनीहरुका परिवारलाई यतिबेला दुई ओटा डर छ । पहिलो स्वास्थ्यको र दोस्रो चाहिँ पैसाको ।

स्वास्थ्य के हुने हो, कसरी जोगिने भन्ने डर त हुने नै भयो । सँगै अब जागिर गुम्ने पो हो कि, भइरहेको कमाइ के होला भन्ने पनि चिन्ता छ । परिवारको सदस्यलाई पनि यही चिन्ताले पिरोलेको होला । हामीले चेत्ने बेला यही हो । यसअघि तपाईँले विदेशबाट पठाएको पैसाको जोहो गर्नुभएको थिएन र अनावश्यक खर्च गर्नुभएको थियो भने अब सोच्नुहोस् ।

यस्तो बेलामा हामीले संयमता अपनाउनुपर्छ र फजुल खर्च गर्न हँुदैन । सकेसम्म अनावश्यक खर्च नगरौं । गरिरहने खर्च पनि सकेसम्म कटौती गरौं । विदेशबाट प्राप्त पैसाको उचित व्यवस्थापन गर्ने उपाय अवलम्ब गरौं । बचाएर राख्ने हो भने यस्तै आपतविपदको बेलामा काम लाग्न सक्छ । बचत गरेको पैसाले यस्तै आपतविपदका बेला हाम्रो दैनिकी सामान्य राख्न मद्दत गर्छ ।

कोरोनाले विदेशमा नेपालीको काम गुमेमा रेमिट्यान्समा असर

पोहोरको आर्थिक वर्षमा ८ खर्ब ८९ अर्ब रेमिट्यान्स भित्रियो । यो आर्थिक वर्षमा पनि यो अनुपात बढ्ने अपेक्षा थियो । तर अहिले विदेश जाने बढे पनि रेमिट्यान्स आप्रवाह घटेको छ । अहिले त कोरोनाकै कारण नेपाल सरकारले श्रम स्वीकृति दिन बन्द गरिसक्यो ।

विदेशमा रहेका पनि केही समयका लागि नेपाल फर्किन पाउने छैनन् । यस्तो अवस्थामा चिन्ताको विषय यो छ कि रेमिट्यान्स घट्छ र यसले देशको अर्थतन्त्रमा ठूलो असर गर्ने त होइन !

कोरोनाको कारण नेपाली श्रमिकको मुख्य गन्तव्य देशको अर्थतन्त्र डगमगायो भने त्यहाँ नेपाली श्रमिकले रोजगारी गुम्यो भने पक्कै पनि असर पर्छ । यसको चिन्ता लिनु पर्छ । तेलको मूल्य घट्दा खाडीका देशको अर्थतन्त्र कमजोर भयो भने पनि देशमा आउने रेमिट्यान्समा केही असर पर्छ ।

तर अहिले जे हिसाबले काम गरिरहेका छन्, त्यो काम पाइरहे भने चाहिँ उल्लेख्य गिराबट नआउन सक्छ । तर यही अवस्था पाँच ६ महिना रह्यो भने चाहिँ नेपालले चिन्ता गर्नुपर्छ । यो प्रभाव कति हो भनेर ध्यान दिनुपर्छ ।

त्यसैले तपाईँ वैदेशिक रोजगारीमा हुनुहुन्छ भने आफ्नो स्वास्थ्यसँगै आफ्नो कामको पनि ध्यान दिनुहोस् ।

अहिले कोरोनाले संसारभरी असर गरिरहँदा विदेशमा कमाइ गर्नेले भने यसको फाइदा लिन सक्ने अवसर पनि छ । अहिले अमेरिकी डलरको भाउ बढिरहेको छ । यतिबेला पैसा पठाउँदा अघिपछिको भन्दा फाइदा हुन सक्छ । यो अवस्था सुधार भयो भने डलरको भाउ घट्छ । त्यसैले यो अवसरको लाभ लिन पनि म विदेशमा रहेका नेपालीलाई अनुरोध गर्छु ।

(नेपाल राष्ट्र बैंक पूर्व कार्यकारी निर्देशक नरबहादुर थापासँगको कुराकानीमा आधारित ।)

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्