‘देशमै केही गर्नुहोस्, कोरोनाकै कारण विदेश जान नपाएकालाई सरकारले सहयोग गर्छ’

चैत ६, २०७६ बिहीबार १७:१०:४५ | उज्यालो सहकर्मी

काठमाण्डौ - सरकारले कोरोना भाइरसको कारण विदेश जान नपाएका युवालाई सहयोग गर्ने भएको छ ।

कोरोना भाइरसको कारण भिसा लागिसकेका नेपाली कामदारलाई अन्य देश र नेपाल सरकारले पनि रोकेको अवस्थामा धेरै युवा चिन्तित भएका छन् । तर सरकारले भने विदेश जान नपाएका युवालाई स्वदेशमै व्यवसाय गर्न सहयोग गर्ने वचन दिएको छ ।

सञ्चार तथा सूचना प्रविधिमन्त्री युवराज खतिवडाले श्रम रोजगार तथा सामाजिक सुरक्षा मन्त्रालयकाे सञ्चालनमा रहेको प्रधानमन्त्री रोजगार कार्यक्रममार्फत सहयोग गर्ने बताउनु भएकाे छ ।

‘नागरिकको सुरक्षाको लागि हामीले विदेश जान रोकेका छौँ । तर वैदेशिक रोजगारीमा जान नपाएका नागरिकले स्वदेशमा काम गर्न चाहेमा प्रधानमन्त्री रोजगार कार्यक्रममा सहभागी हुन सक्नुहुन्छ । म सबैलाई देशभित्रै केही इलम गर्न आग्रह गर्दछु । ठूलो-सानो नभनी काम गर्नुहोस्’, मन्त्री खतिवडाले भन्नुभयो ।

रोजगारीको विषयमा नआत्तिन पनि उहाँले आग्रह गर्नुभयो । वैदेशिक रोजगारी गुम्दा रेमिट्यान्समा ठूलो असर पर्ने र अर्थतन्त्रमै असर गर्छ कि भन्ने डर रहेको तर अवस्था त्यस्तो नरहेको उहाँले बताउनुभयो ।

‘रेमिट्यान्सको रकम बैंकिङ प्रणालीमार्फत आउने हो, त्यसले बैंकको तरलता अभाव हुन नदिन भूमिका खेल्छ, तर अहिले बैंकमा पर्याप्त तरलता छ, बैंकहरुसँग ६०/७० अर्ब रुपैयाँ लगानीयोग्य रकम छ, रेमिट्यान्समा थोरै कमी आउँदा ठूलो असर पर्दैन’, अर्थ, सञ्चार तथा सूचना प्रविधिमन्त्री खतिवडाले भन्नुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्