अत्यावश्यक अवस्थामा मात्रै जाँडरक्सी खाए/नखाएकाे जाँच गरिने

ट्राफिक सचेतना कक्षा स्थगित

चैत ७, २०७६ शुक्रबार १५:४७:१५ | उज्यालो सहकर्मी

काठमाण्डौ - कोरोना भाइरस (कोभिड-१९)को सङ्क्रमणका कारण ट्राफिक प्रहरीले अत्यावश्यक अवस्थामा मात्रै जाँडरक्सी खाए/नखाएकाे जाँच गर्ने भएको छ।

महानगरीय ट्राफिक प्रहरी महाशाखाका प्रमुख, प्रहरी वरिष्ठ उपरीक्षक भीमप्रसाद ढकालले कोरोना सङ्क्रमणको जोखिमलाई ध्यान दिएर मापसे जाँच गर्ने तरिकामा परिवर्तन गरिएको बताउनुभयो ।

अत्याधिक मात्रामा जाँडरक्सी सेवन गरी गाडी चलाएको भेटिए अस्पतालमा लगेर परीक्षण गरी आफन्तको जिम्मा लगाइने उहाँले बताउनुभयो । उहाँले पहिले जस्तो मेसिन लगाएर जाँच नगर्ने तर चालकले जाँडरक्सी खाएकाे आशङ्का लागेमा अस्पताल लगेर जाँच गर्ने व्यवस्था गरिएको बताउनुभयो ।

जोखिमको अवस्थामा प्रहरीले जाँच खुकुलो बनाएको मौका पारी जाँडरक्सी खाएर गाडी नचलाउन समेत ढकालले आग्रह गर्नुभयो । महाशाखा प्रमुख ढकालले ट्राफिक प्रहरीले कोरोनाको सङ्क्रमणबाट बच्न शुक्रबारदेखि जनचेतनाको अभियान सञ्चालन गरिएको बताउनुभयो ।

उपत्यकाका ८० भन्दा बढी ठाउँमा ट्राफिक प्रहरीको टाेली परिचालन गरी कोरोना सङ्क्रमणको जोखिमबाट बच्ने जनचेतनामूलक अभियान सञ्चालन गरिएको बताउनुभयो ।

‘मास्क लगाऔँ, भिडभाड नगरौँ, हात धोऔँ’ लेखिएका ब्यानरसहित नागरिकमा जनचेतना अभिवृद्धि गर्ने कार्यक्रमहरु सञ्चालन गरिएको उहाँले बताउनुभयो ।

ट्राफिक प्रहरीले उपत्यकामा सञ्चालन हुने सार्वजनिक गाडीमा भिडभाड हुन नदिन र गाडीको सरसफाइमा ध्यान दिन यातायात व्यवसायीहरुलाई सचेत गराएको छ । ट्राफिक प्रहरीभित्र पनि कोरोना भाइरसको सचेतना कार्यक्रम गरी सावधानी अपनाइएको छ ।

विभिन्न जाँचमा परी लाइसेन्स, ब्लूबूक लिन जानेहरुलाई दिइने सचेतना कक्षासमेत तत्काल स्थगित गरिएको र सचेतना कक्षा पछि लिनेगरी तत्काललाई लाइसेन्स र ब्लूबूक उपलब्ध गराइने उहाँले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्