सरकारी कम्पनीले नै घरघरमा ल्याइदिनेछ चामल र कर्णालीकाे सिमी

चैत २७, २०७६ बिहीबार ९:४४:२६ | उज्यालो सहकर्मी

काठमाण्डौ – सरकारी कम्पनीले नै घरघरमा खाद्यान्न पुर्‍याउन सुरु गरेको छ । खाद्य व्यवस्था तथा व्यापार कम्पनीले अनलाइन अर्डरमार्फत घरघरमा सामग्री पुर्‍याउन थालेको हो ।

कम्पनीले अहिलेलाई चामल र सिमीको होम डेलिभरी सुरु गरेको हो । यसको लागि खाद्य व्यवस्था तथा व्यापार कम्पनीको वेबसाइट मा गएर अर्डर गर्न सकिनेछ ।

कम्तीमा दुई हजार रुपैयाँको सामान अर्डर गरेको हुुनुपर्ने, चक्रपथ भित्रबाट अर्डर गरेको हुनुपर्ने कम्पनीले जनाएको छ । अर्डर गरेको सामान बढीमा दुई दिनभित्र सामान पुर्‍याइने कम्पनीको दाबी छ ।

यसरी घरघरमै पुर्‍याएकाे सामानको होम डेलिभरी शुल्क लाग्ने छैन । अहिलेलाई सोना मन्सुली चामल, जापनिज चामल र कर्णालीको सिमी घरघरमा पुर्‍याउने कम्पनीले जनाएको छ ।

सोना मन्सुली चामल ३० किलोको १४ सय १० रुपैयाँ, जापनिज चामल ३० किलोको १८ सय ९० रुपैयाँ र कर्णालीको सिमी दुई किलोको प्याकेटको दुई सय ४० रुपैयाँ तोकिएको छ । तर यसमा १० प्रतिशत छुट हुनेछ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्