बालिका हत्या प्रकरणः माग पूरा भएपछि आफन्त शव बुझ्न सहमत

साउन १२, २०७५ शनिबार २१:७:१३ | दुर्गा उपाध्याय

कञ्चनपुर – बलात्कारपछि हत्या गरेर उखुबारीमा फालिएको अवस्थामा फेला परेकी १३ वर्षीय बालिका निर्मला पन्तका परिवार शव बुझ्न सहमत भएका छन् ।
शनिबार जिल्ला प्रशासन कार्यालय कञ्चनपुरमा पीडित पक्ष र प्रहरी प्रशासनबीच सहमति भएपछि मृतकका आफन्त शव बुझ्न सहमत भएका हुन् ।

भीमदत्त नगरपालिकाको तर्फबाट पीडित पक्षले अघि सारेका माग स्थानीय सरकार र प्रशासनले पूरा गर्ने प्रतिवद्धता जाहेर गरेपछि मृतकका आफन्त शव बुझ्न सहमत भएको भीमदत्त नगरपालिकाका प्रवक्ता राजेन्द्र पाण्डेयले बताउनुभयो ।

‘पीडित पक्षसँग दुई चरणमा छलफल भइसकेको छ’, पाण्डेयले भन्नुभयो ‘आइतबार बिहान फेरी एकपटक बसेर छलफल गर्ने भनेका छौ । परिवार शव बुझ्न सहमत भइसके । कानुनी प्रक्रिया पनि पुरा भइसक्यो ।’

उहाँका अनुसार निर्मलाको हत्यारा पत्ता लगाई दोष्ीालाई यथाशीघ्र सार्वजनिक गर्ने, घटनास्थलमा नियमित प्रहरी गस्ती र प्रहरी बिट स्थापनाका लागि

प्रशासनले पहल गर्ने, पीडित परिवारलाई न्याय दिलाउने र राहतका लागि नियमसंगत ढङगबाट पहल गर्ने सहमति भएको छ ।

त्रिपक्षीय सहमति भएपनि लिखित नभएकाले सहमतिका विषयमा स्थानीय सशंकित छन् । उनीहरुले स्थानीय सरकार र प्रहरी प्रशासनबाट सहमतिको लिखत माग गरेका छन् ।

उनीहरुले पीडित परिवारलाई क्षतिपूर्तिस्वरुप १५ लाख माग समेत गरेका छन् । उता पीडित परिवारले भने शव आइतबार दाहसंस्कार गर्ने तयारी गरेका छन् ।

विद्यार्थी संगठनद्वारा आन्दोलन घोषणा

भीमदत्त नगरपालिका २ की स्थनीय सरस्वती माध्यामिक विद्यालय कक्षा ९ मा अध्ययनरत छात्रा निर्मला पन्तको बलात्कार गरी हत्या भएपछि कञ्चनपुरका विद्यार्थी संगठनले तीन दिने आन्दोलनको कार्यक्रम घोषणा गरेका छन् ।

शनिबार महेन्द्रनगरमा विभिन्न ६ विद्यार्थी संगठनको बैठकबाट तीन दिने आन्दोलनका कार्यक्रम गर्ने घोषणा गरिएको हो ।

नेवि संघले आइतबार एकदिनका लागि शैक्षिक संस्था बन्दको घोषणा गरेको छ ।

यसअघि नेविसंघले शुक्रबारबाट हत्याको विरोधमा विरोध प्रदर्शन, शनिबार बजार बन्द र ४ घण्टाका लागी प्रदर्शनका कार्यक्रम गरेको नेवि संघ कञ्चनपुरका सदस्य किशोर प्रसाद जोशीले बताउनुभयो ।

उता, अन्य ५ विद्यार्थी संगठनले तीन दिने आन्दोलनको घोषणा गरेका छन् ।

अखिल क्रान्तिकारी, अनेरास्वियु, विप्लव-वैद्य क्रान्तिकारी र अखिल छैटौँले उनीहरुले छात्रामाथि भएको जघन्य बलात्कार र क्रुर हत्याको विरोधमा संयुक्त रुपमा आन्दोलनको घोषणा गरेको जनाएका छन् ।

५ वटै विद्यार्थी संगठनले आइतबार विरोध सभा गर्दै प्रशासनमा ज्ञापन पत्र बुझाउने, सोमबार दुई घण्टा जिल्ला प्रशासन कार्यालय घेरा गर्ने र मंगलबार शैक्षिक हडताल गर्ने घोषणा गरिएको छ ।

अन्तिम अपडेट: मंसिर २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

1 Comments

Ben bahadur thapa
July 29, 2018, 5:18 a.m.
हाम्रो देशको कानुन मा बलात्कारको दाेषीलाई लिङ्ग छेदन गर्ने व्यवस्था हुनु अत्यन्तै अावश्यक छ यसाे गरे बापत अपराधीलाई जीवन भरीकाे पश्चाताप र अरुको अगाडि यस्ता जघन्य अपराध गरे काे सजाय स्वरुप एउटा प्रत्यक्ष उदाहरण बनेर समाजमा बाँच्ने छ , यसरी बालिका तथा नारीहरु समाजमा निर्धक्क संग सुरक्षित रहने छन् ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बालिका हत्या प्रकरणः माग पूरा भएपछि आफन्त शव बुझ्न सहमत

विद्यार्थी संगठनद्वारा आन्दोलन घोषणा

1 Comments

Ben bahadur thapa

तपाईको प्रतिक्रिया

तपाईको प्रतिक्रिया