काठमाण्डौ भित्रिने र बाहिरिने नाकाको अनुगमनमा थप कडाइ

वैशाख २४, २०७७ बुधबार १७:३३:३८ | उज्यालो सहकर्मी

काठमाण्डौ - उपत्यका भित्रिने तथा बाहिरीने नाकामा जाँच र अनुगमनलाई थप कडाइ गरिएको छ ।

काठमाण्डौ बाहिरबाट उपत्यकाभित्र लुकेर आउने, बिनापासका गाडी पनि गुड्ने गतिविधि बढेको गुनासोपछि जाँच र अनुगमन कडा पारेको महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक एसएसपी भिमप्रसाद ढकालले बताउनुभयो ।

काठमाण्डौ उपत्यका भित्रिने र बाहिरीने मुड्खु, नागढुङ्गा, साँखु, जगाती, भिमढुङ्गा नाकामा अनुगमन समेत गरेको उहाँले बताउनुभयो । तर अनुगमनका क्रममा लुकेर मानिस भित्रिएको नपाएको उहाँको भनाइ छ । ‘हामीले काठमाण्डौको जनजीवनलाई सहज बनाउन जे सामाग्री आवश्यक पर्छ । ती गाडीमात्र भित्रिन दिने र अन्यलाई फर्काउने गरेका छौँ’ उहाँले भन्नुभयो ।

अनुगमनमा पनि आवश्यक पर्ने खाद्यवस्तु, तरकारी ढुवानी, पेट्रोलियम वस्तु र बिरामी बोकेका एम्बुलेन्स भित्रिँदै गरेको र चालक र सहचालक मात्र भेटीयो । ट्राफिक महाशाखाका प्रमुख ढकालले नाकाहरूमा खट्टिएका सुरक्षाकर्मीहरुलाई नाकाहरूमा थप कडाइ गन निर्देशन पनि दिनुभएको छ ।

साथै उहाँले हरेक नागरिकलाई सुरक्षा अवस्था गम्भीर रहेको भन्दै महामारी नियन्त्रण गर्न जो जहाँ छ, त्यहीँ बसेर सरकारको प्रयासमा साथ दिन आग्रह गर्नुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्