बजेट परम्परागत ढङ्गबाट आएको सांसदहरुकाे भनाइ

वैशाख २९, २०७७ सोमबार १७:३१:३२ | उज्यालो सहकर्मी

काठमाण्डौ – आर्थिक वर्ष २०७७/०७८ का लागि विनियोजित विधेयकका सिद्धान्त र प्राथमिकतामाथिको छलफलमा सांसदहरुले बजेट परम्परागत ढङ्गबाट आएको जीकिर गरेका छन् । सांसदहरुले अहिलेको बजेट पूर्णरुपमा कोरोना महामारी नियन्त्रणका लागि केन्द्रित हुनुपर्नेमा त्यसो हुन नसकेको भन्दै असन्तुष्टि जनाएका हुन् ।

छलफलमा नेपाली कांग्रेसका सांसद दिलेन्द्रप्रसाद बडुले अहिलेको बजेट तत्कालीन समस्या समाधान गर्नेतर्फ केन्द्रित हुनुपर्नेमा त्यस्तो हुन नसकेको बताउनुभयो । उहाँले भन्नुभयो, ‘तत्कालीनरुपमा समस्या समाधान हुने गरी बजेट ल्याउनुपर्ने थियो । त्यसपछि पूरक बजेट आउन सक्थ्यो । तर विना कुनै योजना बजेट आएको छ।’

स्वास्थ्य मन्त्रालयलाई केन्द्रित गरेर बजेटलाई क्वरेण्टीन व्यवस्थान, परीक्षण वृद्धि र अस्पतालहरुको पुर्नसंरचनामा खर्च गर्नुपर्ने अवस्थामा त्यस्तो हुन नसकेको उहाँले बताउनुभयो ।

सत्तारुढ दल नेपाल कम्युनिस्ट पार्टी (नेकपा) का सांसद गोकर्ण विष्टले आउँदो आर्थिक वर्षको बजेटमा ‘परम्परागत बजेटका सप्तरङ्गी विशेषताहरुको झलक’ आइरहेको बताउनुभयो ।

कोरोनाको प्रभावले विश्वव्यापीरुपमा बढिरहेको बेरोजगारी समस्या समाधान, विदेशबाट फिर्ता हुने व्यक्तिहरुको व्यवस्थापनमा बजेट केन्द्रित हुनुपर्ने भए पनि त्यस्तो हुन नसकेको उहाँले बताउनुभयो ।

विष्टले बजेटको पहिलो प्राथमिकता कोरोना नियन्त्रणमा हुनुपर्ने र त्यसपछि उत्पादन र उत्पादकत्व वृद्धिमा हुनुपर्ने बताउनुभयो । उहाँले कृषिजन्य उत्पादनमा सरकारले ध्यान दिँदै आन्तरिक उत्पादनलाई संरक्षण र सहुलियत गर्नुपर्ने बताउनुभयो ।

नेपाली कांग्रेसका सांसद विनोद चौधरीले विश्वका अन्य देशहरुले कोरोनासँग विभिन्न आर्थिक प्याकेज घोषाणा गरे पनि नेपाल सरकारले त्यस्ताे गर्न नसकेको बताउनुभयो । सङ्कटमा परेका उद्योग व्यवसायीहरुलाई सङ्कटबाट सरकारले जोगाउन सहयोग गर्न नसके राष्ट्रिय ढुकुटीमा हुँदै आएको सहयोगमा समस्या हुन सक्नेतर्फ पनि उहाँले सचेत गराउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्