सशस्त्र प्रहरीमा नयाँ संगठनात्मक संरचना, ७७ जिल्लामै उपस्थिति

साउन १६, २०७५ बुधबार ५:५३:१२ | उज्यालो सहकर्मी

काठमाडौं - सशस्त्र प्रहरी बलले संघीय संरचनाअनुसार नयाँ संगठनात्मक संरचना लागू गरेको छ ।

सशस्त्र प्रहरी मुख्यालय हलचोकमा मंगलबार भएको पत्रकार सम्मेलनमा सशस्त्र प्रहरी नायब महानिरीक्षक एवं प्रवक्ता बाबुराम पाण्डेले ‘सशस्त्र प्रहरी बलमा सांगठनिक पुनःसंरचना साउन १ गतेदेखि लागू भएको जानकारी दिनुभयो ।

अहिले ६३ जिल्लामा उपस्थिति जनाएको सशस्त्र प्रहरी बल अब ७७ जिल्लामा उपस्थित हुनेछ । हाल विद्यमान पाँच वटा बाहिनीहरुको संख्या बढाएर सातै प्रदेश र उपत्यकामा एक गरी आठ बाहिनी स्थापना गरिएको उहाँले दिनुभयो ।

त्यस्तै विद्यमान तालीम केन्द्र यथावत राखी थप नयाँ पाँच तालीम केन्द्र स्थापना गरिएको छ । झापादेखि कञ्चनपुरसम्मका सीमावर्ती जिल्ला र सिन्धुपाल्चोकमा हाल रहेका ८७ सीमा निरीक्षण पोस्टलाई अन्तर्राष्ट्रिय मान्यताअनुसार गणबाट परिचालित हुने गरी पोस्टको संख्या बढाइएको छ ।

काठमाडौँ उपत्यका र चितवनको कुरिनटारलगायत सबै बाहिनीमा ५०/५० जनाको दरले विपद् उद्धारका क्षेत्रमा दक्ष जनशक्ति खटिइएको जानकारी दिँदै प्रवक्ता पाण्डेले यस अवधिमा उद्धार कार्यमा चार हजार ७१९ सशस्त्र प्रहरी परिचालित भएको बताउनुभयो ।

आपत्विपद्का समयमा उद्धार कार्यका लागि ७७ वटा छुट्टाछुट्टै टोली गठन गरिएको छ । त्यस्तै १३ स्थानमा एम्बुलेन्ससहित प्राथमिक उपचारको सामग्री तथा अन्य सुरक्षा सामग्रीसहित चौविसै घन्टा तैनाथ छन् ।

सशस्त्र प्रहरी बलमा हाल ३७ हजार १०० जवान तथा अधिकृत कार्यरत छन् ।

अन्तिम अपडेट: मंसिर २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्