तेह्रथुम, ताप्लेजुङ र पाँचथरमा पहिलो पटक सङ्क्रमण देखियाे, थपिएका २०१ जना कहाँका हुन् ?

जेठ २१, २०७७ बुधबार १७:२८:४७ | उज्यालो सहकर्मी

काठमाण्डाै – नेपालमा पछिल्लो २४ घण्टामा दुई सय एक जना काेराेना सङ्क्रमित थपिएका छन् । मङ्गलबार अपराह्नसम्म सङ्क्रमितकाे सङ्ख्या दुई हजार ९९ रहेकोमा आज थप दुई सय एक जना सङ्क्रमित थपिएका हुन् । योसँगै नेपालमा कोरोना सङ्क्रमितकाे सङ्ख्या हुई हजार तीन सय पुगेको छ ।

आज थपिएकामध्ये विराटनगरमा गरिएको परीक्षणमा धनकुटाका एक जना, धरानमा गरिएको परीक्षणमा सप्तरीको तिरहुतका एक जना, ताप्लेजुङको शान्ति गाउँपालिकाका तीन जना, झापाको बुद्धशान्तिका एक जना, पाँचथर हिलेहाङका एक जना र सुनसरीको भोक्राहाका सात जनामा कोरोना पुष्टि भएको छ ।

नारायणी अस्पताल वीरगञ्जकाे प्रयोगशालामा भएको परीक्षणमा पर्साको विन्ध्यवासिनी, कालिकामाई, सखुवा पर्सौनीका सात जना, सुर्खेतमा गरिएको परीक्षणमा दैलेखको नौमुलेका एक जना र सल्यानको कुमाखका दुई जना गरी तीन जनामा सङ्क्रमण पुष्टि भएको छ ।

कोशी अस्पतालको प्रयोगशालामा भएको परीक्षणमा मोरङ, झापा, सुनसरी र तेह्रथुमका पाँच जनाको रिपोर्ट पोजेटिभ आएको छ । सेती अस्पतालमा गरिएको परीक्षणमा कैलाली र डोटीका पाँच जना सङ्क्रमित थपिएका छन् । रुपन्देहीमा गरिएको परीक्षणमा कपिलवस्तुको मायादेवी र शुद्धोधनका ६७ जना, पाल्पाका २ जना र रुपन्देहीका २६ जनामा कोरोना पुष्टि भएको छ ।

त्यस्तै जनकपुरमा गरीएको परीक्षणमा महोत्तरी मतिहानीका नाै जनामा कोरोना पुष्टि भएको छ । कर्णाली स्वास्थ्य विज्ञान प्रतिष्ठानमा १३ जना सङ्क्रमित भेटिएका छन्, उनीहरु दैलेखको दुल्लू र नारायण नगरपालिकाका ६ जना र कालीकोटको पलाताका सात जना रहेका छन् ।

राप्ती स्वास्थ्य विज्ञान प्रतिष्ठान दाङमा भएको परीक्षणमा आठ जनामा काेराेना पुष्टि भएको छ । दाङको बङ्गलाचुली र राजपुरका पाँच जना, प्युठान माण्डवीका दुई जना र सल्यान कपुरकोटका एक जनामा कोरोना देखिएको छ ।

राष्ट्रिय जनस्वास्थ्य प्रयोगशाला टेकुमा भएको परीक्षणमा ४२ जनाको नतिजा पोजेटिभ आएको छ । जसमध्ये धुनषाका एक जना, कपिलवस्तुका दुई जना, काठमाण्डौका तीन जना, नवलपरासीको पाल्हिनन्दन र बर्दघाटका गरी आठ जना, रौतहटका ११ जना, रुपन्देहीको मायादेवीका एक जना, सर्लाहीका १५ जना र सिन्धुपाल्चोकको इन्द्रवतीका एक जनामा कोरोना पुष्टि भएको छ ।

आज तेह्रथुम, ताप्लेजुङ र पाँचथरमा पहिलो पटक सङ्क्रमण देखिएको छ । योसँगै नेपालका ६४ जिल्लामा कोरोना सङ्क्रमण देखिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्