विदेशबाट निःशुल्क उद्धार गर्न कार्यविधि तयार, फर्किसकेको भए पनि मापदण्डमा परेमा रकम फिर्ता हुने

 असार १६, २०७७ मंगलबार १७:१९:१५ | उज्यालो सहकर्मी

काठमाण्डौ – विदेशमा अलपत्र परेका नेपालीलाई निःशुल्क उद्धार गर्ने कार्यविधि तयार भएको छ । श्रम, रोजगार तथा सामाजिक सुरक्षा मन्त्रालयले तयार पारेको कार्यविधि मन्त्रिपरिषदमा पेश भएको छ । 

अहिले कम्पनीले टिकट काटिदिएका र आफैं टिकट काट्न सक्नेहरु मात्रै स्वदेश फर्किरहेका छन् । तर टिकट काट्न नसक्ने र अलपत्र परेका धेरै नेपाली खाडी र मलेसिया लगायतका देशमा घर फर्कने दिन कुरिरहेका छन् । कार्यविधि पास भएमा कोरोनाको कारण विदेशमा अलपत्र परेका, तर साथमा पैसा नहुँदा घर फर्कन नपाएकाहरु वैदेशिक रोजगार काल्याणकारी कोषको रकमबाट निःशुल्क स्वदेश फर्कन पाउनेछन् ।

कार्यविधिमा यस्तो छ प्रावधान

मंगलबारसम्ममा भारत बाहेक विभिन्न देशबाट १२ हजारभन्दा धेरै नेपाली चार्टर्ड उडानमार्फत स्वदेश फर्किसकेका छन् । कार्यविधिले तोकेको आधार र मापदण्डमा पर्ने श्रमिक फर्किसकेको भए दूतावासको सिफारिसमा उनीहरुको हवाईभाडा सोधभर्ना (फिर्ती) गर्ने प्रावधान रहेको श्रम मन्त्रालयका प्रवक्ता सुमन घिमिरेले जानकारी दिनुभयो । 

कल्याणकारी कोषको रकमबाट श्रम स्वीकृति लिएर गएका र कार्यविधिले तोकेको आधार तथा मापदण्ड पूरा गर्ने श्रमिकको स्वदेश फिर्ती हुनेछ । कल्याणकारी कोषमा भएको रकम श्रम स्वीकृति लिएर गएका श्रमिकले गरेको योगदान रकम भएकाले श्रमिक अलपत्र परेको अवस्थामा उनीहरुको स्वदेश फिर्तीका लागि खर्च गर्नुपर्ने व्यवस्था छ । 

तर कतिपय श्रमिक श्रम स्वीकृति नलिइ अरु विभिन्न माध्यमबाट विदेश गएका छन् । श्रम स्वीकृति लिएर गएका छैनन् भने उनीहरुलाई अन्य बजेटको व्यवस्था गरी निःशुल्क रुपमा उद्धार गर्ने व्यवस्था कार्यविधिले गरेको प्रवक्ता घिमिरेले बताउनुभयो । 

‘सरकारले समस्यामा परेका हरेक श्रमिकलाई स्वदेश ल्याउँछ, अहिले पनि ल्याइरहेको छ, यो कार्यविधि पास भएपछि टिकट काट्नै नसकेर घर फर्कन नपाएकाहरुलाई पनि ल्याइन्छ,’ उहाँले भन्नुभयो । 
कार्यविधिले रोजगारदाता र पठाउने म्यानपावर कम्पनीलाई पनि जिम्मेवार बनाउनेछ । म्यानपावर कम्पनीले पनि आफूले पठाएको मानिसको स्वदेश फिर्तीका लागि सहजीकरण गर्नुपर्नेछ । म्यानपावरले श्रमिकलाई टिकट दिलाउनका लागि रोजगारदातासँग पहल गर्नुपर्नेछ ।

कल्याककारी कोषबाट उद्धार गरिने श्रमिकको अवस्था, आम्दानी, रोजगारीको प्रकृति र समस्याको बारेमा सम्बन्धित देशमा रहेका नेपाली दूतावासले जाँच गर्नेछन् र सिफारिस गर्नेछन् ।  कमाइ नभएका, बिरामी परेका, रोजगारी गुमाएका, कम्पनीबाट टिकट नपाएका, आममाफी पाएका, काजकिरियाका लागि आउनुपर्ने लगायतका सम्वेदनशील अवस्थाका कामदारको सरकारले निःशुल्क उद्धार गर्नेछ ।

 विदेश गएको एक वर्ष नाघेको र कम्पनीले पनि टिकट नदिने अवस्था भए सम्बन्धित श्रमिकले विदेश पुगेर काम गरेको अवधि र आय आर्जनको अवस्था हेरेर टिकटको ५० देखि ७५ सम्म खर्च व्यहोर्न सकिने लगायतका प्रावधान राखिएको छ । मन्त्रिपरिषदले यो कार्यविधि स्वीकृत गरेपछि कार्यान्वयन हुनेछ ।
 

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Tajul Din Miya

    July 1, 2020, 8:36 a.m.

    म तजुल दिन मिया , हाल साउदी अरब AYTB कम्पनीमा छु / यो कम्पनीमा आएको १० महिना भयो र मलाई प्रेसरको बिरामीले तनाव बनाएको छ /कम्पनीले आधा तलव मात्र दिएको छ / यति तलवले मलाई उपचार गर्न नै पुगेको छैन / म घर जान चाहन्छु , तर कसरी आउने नेपाल ?? सम्झौता २ वर्षको छ , बल्ल १० महिना भयो आएको , कम्पनीले दुई वर्ष नपुगी जान दिंदैन /आफ्नो खर्चमा नेपाल जान पैसा छैन , बसम भने पैसा छैन, र राम्रो उपचार पनि छैन ..अब कसरी आउन सकिएला नेपाल ...कृपया जानकारी दिनुहोस ...म सार्है पीडामा छु त्यसैले घर जान चाहन्छु /

  •  0 Reply

तपाईको प्रतिक्रिया

समाचार

लोकप्रिय

१

हङकङलाई २ सय २६ रनले हराउँदै नेपालले एक खेलअघि नै जित्याे एकदिवसीय शृङ्खला

२

शेयर बजार सामान्य घट्याे

३

एसईईमा अब ‘एनजी’ आएको विषयमा मात्रै परीक्षा दिन पाइने

४

नेकपा एसका नेताहरूको जिम्मेवारी हेरफेर, रामकुमारी झाँक्री विद्यार्थी विभागकाे इन्चार्ज

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई