बिरामीलाई आँगनमै उभ्याएर स्वास्थ्य सेवा

साउन १९, २०७५ शनिबार १६:५८:२६ | दीपक भट्ट

रामेछाप – स्वास्थ्य संस्थाको दुईतले पक्की भवन २०७२ सालको भूकम्पले क्षति पुर्याएपछि प्राथमिक स्वास्थ्य केन्द्र खिम्तीले बिरामीहरुलाई खुल्ला चउर (आँगन) वटै स्वास्थ्य सेवा दिँदै आएको छ ।

भूकम्पपछि स्वास्थ्य संस्थाको आँगनमा टेन्ट टाँगेर अस्थायी रुपमा बिरामीलाई सेवा उपलब्ध गराउँदै आएको प्राथमिक स्वास्थ्य केन्द्र खिम्तीले प्लाष्टिकको टेन्ट हावा, पानी र घामले मक्किएर च्यातिएपछि अहिले बिरामीको नाम दर्ता गर्ने काम आँगनमै बसेर सञ्चालन गर्दै आएको छ भने बिरामी जाँच र प्रसुति काम भने पाले बस्ने २ कोठे भवनबाट संचालन गर्दै आएको छ ।

स्वास्थ्य संस्थाको भवन अभावका कारण उपचार गराउन आएका बिरामीहरुलाई सहज ढंगले सेवा दिन नसकेको प्राथमिक स्वास्थ्य केन्द्र खिम्तीका अहेब गंगा रिमालले बताउनुभयो ।

स्वास्थ्य संस्थाको भवन नहुँदा पाले घरबाट स्वास्थ्य संस्था संचालन गर्नु पर्दा ज्यादै कठिनाई भएको स्वास्थ्यकर्मीहरुले बताएका छन् । अहिले एक कोठामा प्रसुति कक्ष र अर्को कोठामा प्रशासनीक काम, ओपीडी कक्ष, जनरल कक्ष, औषधि स्टोरसँगै बिरामीको बेड समेत राखेर उपचार गराउनु पर्दा धेरै समस्या भएको अहेब रिमालले जानकारी दिनुभयो । सरकारले २४ घण्टा स्वास्थ्य संस्था खुल्ला राखेर बिरामीलाई सेवा प्रदान गर्न निर्देशन दिए पनि रामेछापको सरकारी स्वास्थ्य संस्थाको हालत भने दयनिय रहेको छ ।

स्वास्थ्य संस्थामा इर्मजेन्सीका बिरामी रातको समयमा आउँदा उपचार पाउन नसकेपछि खिम्तीका नागरिकहरु आफ्नो आँगनको स्वास्थ्य संस्था छाडेर छिमेकी जिल्ला दोलखाको शहरे गाउँपालिकाको किर्नेमा पर्ने किर्ने स्वास्थ्य संस्थामा उपचार लिन जान बाध्य भएका छन् । स्वास्थ्य संस्थाको भवन नभएपछि संस्थामा उपचार लिन आउने बिरामीलाई आँगनमा उभ्याएर नै सेवा दिने गरिएको छ ।

संस्थाले रातको समयमा हुने आकस्मीक सेवादेखि सबै प्रकारका उपचार सेवाहरु बन्द गरिएको छ । पाले बस्ने कोठामा रहेर दिउँसो उपचार गराइरहेको भएता पनि रातको समयमा बिजुली बत्ति नहुँदा उपचार गराउन नसकिएको हो । त्यस स्वास्थ्य संस्थामा दैनिक २५ देखि ३५ जनासम्म बिरामीहरु उपचार लिन आउने गरेका छन् ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्