माछा मार्न तालमा जाँदा डुबेर मृत्यु

साउन २०, २०७५ आइतबार १०:३१:५० | उज्यालो सहकर्मी

धनकुटा – चौबिसे गाउँपालिका–२ सिथुङ ताल लाप्सेमा माछा मार्न जाने क्रममा तालमा डुबेर एक युवकको ज्यान गएको छ ।

तालमा माछा मार्न राति ८ बजे गएका चौबिसे गाउँपालिका–२ का ३४ वर्षीय धर्मेन्द्र मगरको माछा मार्ने क्रममा तालमा डुबेर ज्यान गएको जिल्ला प्रहरी कार्यालय धनकुटाका एसपी सुरेन्द्रबहादुर गुरुङले बताउनुभयो । धनकुटा–मोरङको सीमावर्ती क्षेत्रमा रहेको उक्त ताल गाउँपालिकाले चिसाङ खोलालाई छेकेर ड्याम बनाई माछा पालन गरिँदै आएको थियो । धर्मेन्द्रसहित स्थानीय गजेन्द्र खुलाल, हेमबहादुर मगर, समीर मगर माछा मार्न राति तालमा गएको प्रहरीले बताएको छ ।

राति ११ बजे नै घटनाको बारेमा प्रहरीमा जानकारी आएपछि मुढेबास प्रहरी चौकीबाट प्रहरीको टोली त्यसतर्फ गएको थियो । अत्याधिक वर्षका कारण सवारी साधन संचालनमा समस्या भएको र दुर्गम क्षेत्र भएकाले अहिले मृतकको शवलाई तालबाट झिकेर पोष्टमार्टमको लागि जिल्ला सदरमुकाम ल्याउने तयारी भैरहेको एसपी गुरुङले जानकारी दिनुभयो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्