डिजेल पेट्रोल नपाएपछि संखुवासभामा गाडी गुड्न छोडे

साउन २२, २०७५ मंगलबार ८:५४:३४ | उज्यालो सहकर्मी

संखुवासभा – एक हप्तादेखि पट्रोलियम पदार्थ आपूर्ति बन्द भएपछि संखुवासभामा गाडी गुड्न छोडेका छन् । पेट्रोलियम पदार्थको अभावले गाडी गुड्न छोडेपछि स्थानीय समस्यामा परेका छन् ।

डिजेल पेट्रोल नहुँदा गाडी गुडाउन मुश्किल पर्न थालेको यातायात व्यवसायीहरुको गुनासो छ । संखुवासभाको लागि विराटनगरमा रहेको आयल निगमको क्षेत्रीय कार्यालयबाटै पेट्रोल डिजेल नआएको व्यवसायीहरु बताउँछन् ।

क्षेत्रीय कार्याललयले नै पहाडी क्षेत्रका लागि प्रेट्रोलियम पदार्थ पठाउन आनाकानी गर्दै आएको स्थानीय यसोदा पेट्रोल पम्पका संचालक उत्तम कटवालले बताउनुभयो । उनीहरुको खातामा पैसा जम्मा गरिदिए पनि भोलि भोलि भन्दै टार्ने गरेको उहाँले बताउनुभयो ।

जिल्लामा संचालित कुनै पनि पम्पलाई डिजेल प्रेट्रोल दिइएको छैन । जिल्लाका सबै पम्पहरुमा डिजेल सकिएपछि यात्रु बोकेर हिँड्ने गाडीहरु पनि चल्न छोडेका छन् ।

पेट्रोलको अभाव हुदाँ मोटरसाइकलबाट दैनिक यात्रा गर्ने कर्मचारी तथा व्यापारी पनि समस्यामा पर्न थालेका छन् । सदरमुकाम खाँदबारीबाट चिचिला गाउँपालिका कार्यालय धाउने कृषिका कर्मचारी बलबहादुर विश्वकर्मालाई प्रेट्रोल नहुँदा कार्यालय जान समस्या पर्न थालेको बताउनुहुन्छ ।

उहाँ जस्तै धेरै स्थानीय तहमा कार्यरत कर्मचारीहरुलाई कार्यालय आवतजावतमा समस्या हुन थालेको छ ।

खाँदबारीमा रहेको महालक्ष्मी पेट्रोल पम्प, यसोदा पेट्रोल पम्प र तुम्लिङ्गटारमा रहेको तीन ओटा पम्पमा नै डिजेल र पेट्रोल छैन । चैनपुर र मुडेमा रहेको पम्पमा पनि डिजेल र पेट्रोलको समस्या रहेको बताइएको छ ।

जिल्लामा पेट्रोलियम पदार्थको अभाव पटक–पटक देखिए पनि दीर्घकालीन रुपमा समस्या भने हट्न सकेको छैन ।

अन्तिम अपडेट: पुस २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्