कोरोना महामारीको बेला कुवेतमा ३३ नेपाली अलपत्र

भदौ ३, २०७७ बुधबार ७:५८:५३ | उज्यालो सहकर्मी

काठमाण्डौ – कोरोना महामारीका बेला कुवेतमा ३३ नेपाली श्रमिक अलपत्र परेका छन् ।

काठमाण्डौको एसआरके म्यानपावरबाट कुवेत पुगेका उनीहरुलाई तीन महिनादेखि कम्पनीले तलब सुविधा नदिएपछि अलपत्र परेका गैरआवासीय नेपाली संघ कुवेतले जनाएको छ ।

म्यानपावरलाई जनही १ लाख ५० हजारभन्दा धेरै रकम तिरेर १८ महिना पहिले उनीहरु कुवेत पुगेका थिए । सुरुवातदेखि नै सम्झौता अनुसार सेवासुविधा नदिएको कम्पनीले तीन महिनादेखि तलब नै नदिएपछि उनीहरु अहिले महामारीको समयमा अलपत्र परेका छन् ।

आफूले काम गरेको तलब दिलाइदिन माग गर्दै उनीहरु सबैले दूतावासमा निवेदन दिएका छन् । तर दूतावासले सहयोग नगरेको पीडितको गुनासो छ ।

उनीहरुलाई लामो समयदेखि विभिन्न संघसंस्थाले सहयोग गरेका छन् । मंगलबार एनआरएनए कुवेतले उनीहरुलाई केही राहत सामग्री बितरण गरेको छ भने दूतावाससँग छलफल गरी समस्याको समाधान खोज्न पहल गर्ने एनआरएनए कुवेतका अध्यक्ष सुजन केसीले बताउनुभयो ।

उनीहरु बस्दै आएको कोठामा पानीको सुविधा समेत नभएको र साह्रै नै समस्यामा रहेको पनि एनआरएनए कुवेतले जनाएको छ । आफ्नो समस्या नसुन्ने र दूतावासले समस्या लिएर जाँदा भित्र छिर्नै नदिएको पीडितले गुनासो गरेका छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्